రక్తస్రావ లోపాల జన్యు చికిత్సలకు దేశంలో తొలిసారి ప్రయోగ పరీక్షలు

 కేంద్ర మంత్రి జితేంద్ర సింగ్‌ వెల్లడి

దిల్లీ: అధిక సమయం రక్తం గడ్డకట్టకుండా స్రవిస్తూ ఉండేలా పుట్టుకతో వచ్చే లోపాలను సరిచేసే జన్యు చికిత్సలకు సంబంధించి మన దేశంలో తొలిసారి మనుషులపై ప్రయోగ పరీక్షలు నిర్వహించినట్లు కేంద్ర మంత్రి జితేంద్ర సింగ్‌ బుధవారం వెల్లడించారు. వెల్లూరులోని క్రిస్టియన్‌ మెడికల్‌ కాలేజీలో వీటిని నిర్వహించామన్నారు. దీనికోసం లెంటివైరల్‌ వెక్టర్‌ అనే సరికొత్త సాంకేతికతను వినియోగించినట్లు తెలిపారు. అధిక రక్త స్రావానికి కారణమయ్యే రోగి మూల కణాల్లోకి అది ప్రవేశించి డీఎన్‌ఏను ప్రభావితం చేస్తుందని మంత్రి వివరించారు.