కేంద్ర మంత్రికి నామినేషన్‌ రుసుం చెల్లించిన విద్యార్థులు

తిరువనంతపురం: లోక్‌సభ ఎన్నికల్లో కేరళలోని అత్తింగళ్‌ నియోజకవర్గం నుంచి భాజపా అభ్యర్థిగా విదేశీ వ్యవహారాల సహాయమంత్రి వి.మురళీధరన్‌ బరిలో దిగారు. ఆయన నామినేషన్‌ డిపాజిట్‌ సొమ్ము చెల్లించేందుకు విద్యార్థులు ముందుకు రావడం విశేషం. ఉక్రెయిన్‌ సంక్షోభ సమయంలో కేంద్రం చేపట్టిన ‘ఆపరేషన్‌ గంగ’ ద్వారా వీరంతా సురక్షితంగా స్వదేశానికి తిరిగి వచ్చారు. తిరువనంతపురంలోని భాజపా కార్యాలయంలో కేంద్ర మంత్రిని కలిసిన విద్యార్థులు, వారి తల్లిదండ్రులు ఈమేరకు ఎన్నికల డిపాజిట్‌ మొత్తాన్ని అందజేశారు. విద్యార్థులు చూపిన కృతజ్ఞతాభావం తనను కదిలించిందని మురళీధరన్‌ ‘ఎక్స్‌’ వేదికగా వెల్లడించారు.