ఇండిగో ప్యాకేజ్డ్‌ ఆహారంలో అధిక ఉప్పు!

నిర్దేశిత ప్రమాణాల మేరకే సోడియం ఉందన్న సంస్థ

దిల్లీ: ప్రముఖ విమానయాన సంస్థ ఇండిగో అందించే ఆహారంలో మోతాదుకు మించి ఉప్పు ఉంటోందంటూ ఓ ఇన్‌ఫ్లుయెన్సర్‌ చేసిన వీడియోపై ఆ సంస్థ స్పందించింది. దీనిపై వివరణ ఇస్తూ ఓ ప్రకటనను విడుదల చేసింది. తమ సంస్థ వినియోగించే ఆహారంలో నిర్దేశిత ప్రమాణాల స్థాయిలోనే ఉప్పు ఉంటుందని వివరణ ఇచ్చింది. ఫుడ్‌ ఫార్మర్‌ పేరిట వీడియోలు చేసే రేవంత్‌ హిమత్సింకా.. తాజాగా ఓ వీడియోను పోస్ట్‌ చేశాడు. ఇండిగో అందించే ప్యాకేజ్డ్‌ ఫుడ్‌లో సోడియం మోతాదు ఉందని అందులో పేర్కొన్నాడు. ఈ వీడియో వైరల్‌గా మారడంతో.. తాము ప్రసిద్ధి చెందిన విక్రేతల నుంచే ప్రీ ప్యాకేజ్డ్‌ లేదా తాజా ఆహారాన్ని సేకరిస్తున్నామని ఇండిగో వివరించింది. తమ సేవలను మరింత మెరుగుపరుచుకోవడానికి ఈ తరహా అభిప్రాయాలను గౌరవిస్తామని పేర్కొంది.