మహారాష్ట్రలో దివ్యాంగ సిబ్బందితో పోలింగ్‌ కేంద్రాలు

ఈటీవీ భారత్‌: సాధారణ ఉద్యోగుల కంటే దివ్యాంగ ఉద్యోగులు ఏం తక్కువ కాదని నిరూపించేందుకు ఎన్నికల సంఘం కీలక నిర్ణయం తీసుకుంది. మహారాష్ట్రలో ఛత్రపతి శంభాజీనగర్‌ జిల్లాలో దివ్యాంగులకు ఎన్నికల విధులను అప్పగించనుంది. ప్రత్యేకంగా దివ్యాంగులు పనిచేసేలా పోలింగ్‌ కేంద్రాలను ఏర్పాటు చేయనున్నట్లు స్థానిక ఎన్నికల అధికారి తెలిపారు. దీంతో జిల్లాలోని 9 అసెంబ్లీ నియోజక వర్గాల్లో ఒక్కొక్కటి చొప్పున దివ్యాంగులతో పోలింగ్‌ కేంద్రాలను ఏర్పాటు చేయనున్నారు. ఈ కేంద్రాల్లో దివ్యాంగ సిబ్బందికి మరో ఇద్దరిని సాయంగా నియమించనున్నారు. అంతేకాకుండా పూర్తిగా మహిళా సిబ్బందితో కూడిన ఓ పోలింగ్‌ కేంద్రాన్ని సైతం ఏర్పాటు చేస్తున్నారు.