55 పులులు.. 17 చిరుతలు

తాడోబా అభయారణ్యంలో వన్యప్రాణుల గణన
ఫర్‌ జోన్‌లో 1,917, కోర్‌ క్షేత్రంలో 3,092 ఉన్నట్లు గుర్తింపు

గణన సమయంలో కనిపించిన పులి

బల్లార్ష, న్యూస్‌టుడే: మహారాష్ట్రలోని చంద్రపూర్‌ జిల్లాలో ఉన్న తాడోబా అభయారణ్యంలో బుద్ధ పూర్ణిమ వేళ వన్యప్రాణుల గణన చేపట్టారు. వివరాలను శనివారం అధికారులు వెల్లడించారు. అభయారణ్యంలోని బఫర్‌ క్షేత్రంలో 79 మంచెలు ఏర్పాటు చేసి 180 మంది వన్యప్రాణి ప్రేమికులను నియమించారు. అధికారులు వెల్లడించిన లెక్కల ప్రకారం.. బఫర్‌ జోన్‌లో 1,917, కోర్‌ క్షేత్రంలోని అయిదు జోన్లలో కలిపి 3,092 వన్యప్రాణులు ఉన్నాయి. వాటిలో 55 పులులు, 17 చిరుతలు, 1,458 జింకలు, 65 ఎలుగుబంట్లు 1,059 కోతులతో పాటు ఇతర జంతువులను గుర్తించారు. ఇవికాకుండా లెక్కకు రాని మరిన్ని ప్రాణులు తిరుగుతున్నాయని ప్రకటించారు.