మరో వారం రోజులు బెయిల్‌ పొడిగించండి

సుప్రీంకోర్టులో కేజ్రీవాల్‌ పిటిషన్‌

దిల్లీ: తన బెయిల్‌ గడువును మరో ఏడు రోజులు పొడిగించాలని కోరుతూ సుప్రీం కోర్టులో దిల్లీ సీఎం అరవింద్‌ కేజ్రీవాల్‌ పిటిషన్‌ దాఖలు చేశారు. తాను అకస్మాత్తుగా బరువు తగ్గానని, కీటోన్‌ స్థాయిలు అధికంగా ఉన్నాయని.. ఈ నేపథ్యంలో పెట్‌-సీటీ స్కాన్‌ తదితర పరీక్షలు చేయించుకోవాలని వైద్యులు సూచించారని ఆప్‌ నేత తన పిటిషన్‌లో పేర్కొన్నారు. ఆదివారం దాఖలు చేసిన పిటిషన్‌లో తాను సుప్రీంకోర్టు సూచించిన జూన్‌ 2న కాకుండా జూన్‌ 9న లొంగిపోతానని కేజ్రీవాల్‌ తెలిపారు. వారం రోజుల పాటు వైద్య పరీక్షలు చేయించుకుంటానని, ఇందుకు అనుమతి మంజూరు చేయాలని విజ్ఞప్తి చేశారు.

దిల్లీ మద్యం కేసులో నిందితుడిగా ఉన్న అరుణ్‌ రామచంద్రపిళ్లైకి మధ్యంతర బెయిల్‌ ఇవ్వడానికి సుప్రీంకోర్టు నిరాకరించింది. అందుకోసం తొలుత హైకోర్టుకు వెళ్లాలని జస్టిస్‌ ఏఎస్‌ ఓక, జస్టిస్‌ సతీష్‌చంద్రశర్మ నేతృత్వంలోని ధర్మాసనం సూచించింది.