17వ లోక్‌సభ రద్దుతో మురిగిన యువతుల పెళ్లి వయసు పెంపు బిల్లు

దిల్లీ: పదిహేడవ లోక్‌సభ ఇటీవల రద్దు కావడంతో, యువతుల వివాహ వయస్సును 21 ఏళ్లకు పెంచుతూ 2021 డిసెంబరులో కేంద్రం తీసుకొచ్చిన బిల్లు మురిగిపోయింది. ఈ విషయాన్ని లోక్‌సభ మాజీ సెక్రటరీ జనరల్, రాజ్యాంగ నిపుణుడు పీడీటీ ఆచార్య తెలిపారు. బాల్య వివాహాల నిరోధక సవరణ బిల్లు-2021ను లోక్‌సభలో కేంద్రం ప్రవేశపెట్టిన విషయం తెలిసిందే. అనంతరం ఈ బిల్లును విద్య, మహిళలు, చిన్నారులు, యువత, క్రీడలపై ఏర్పాటైన పార్లమెంటరీ స్టాండింగ్‌ కమిటీ పరీశీలనకు పంపించారు. ప్రస్తుతం 18 ఏళ్లుగా ఉన్న యువతుల పెళ్లి వయసును పురుషులతో సమానంగా 21ఏళ్లకు పెంచాలన్నది ఈ బిల్లు ఉద్దేశం.