పలుగూ పార తోడు.. గంగమ్మ నవ్వింది చూడు

దృఢ సంకల్పానికి పట్టుదల తోడైనప్పుడు వయసు, వనరుల కొరత ఏవీ అడ్డంకులు కావు. మధ్యప్రదేశ్‌లోని టీకంగఢ్‌ జిల్లాలో స్వయంగా బావిని తవ్వుకొన్న గిరిజన దంపతుల ఉదంతం ఇందుకు నిదర్శనం. బడాగావ్‌ తహసీలు పరిధిలోని జమునియా ఖేడా గ్రామానికి చెందిన 65 ఏళ్ల దీప్‌చంద్‌ ఆదివాసీ, గౌరీబాయ్‌ దంపతులు ఐదేళ్లు శ్రమపడి బావిని తవ్వారు. ఆర్థిక కష్టాల నుంచి గట్టెక్కేందుకు తమకున్న బంజరు నేలలో బావి తవ్వుదామన్న ఆలోచన మొదట గౌరీబాయికి వచ్చింది. యంత్ర సాయం కూడా లేకుండా పలుగూ పారలతో తవ్విన ఈ బావి వారి తలరాతను మార్చేసింది. ఎర్రటి బంజరు పచ్చని మాగాణిగా మారింది. కుమారుడు నగరంలో పనులు చేసుకొంటూ ఉండగా, నలుగురు కుమార్తెల పెళ్లిళ్లు చేసిన దంపతులు సాగు ఆదాయంతో అప్పులు తీర్చే పనిలో నిమగ్నమయ్యారు.

ఈటీవీ భారత్‌