‘జైలు’ భయంతో బల్లిని మింగేశాడు

అత్యాచారం కేసులో అరెస్టయి పోలీసుల రిమాండ్‌లో ఉన్న ఓ నిందితుడు తనను జైల్లో ఉంచుతారనే భయంతో ఏకంగా బల్లిని మింగేశాడు. ఈ విచిత్ర సంఘటన ఉత్తర్‌ప్రదేశ్‌లోని కాన్పుర్‌లో జరిగింది. మహేశ్‌ అనే యువకుడు ఓ బాలికను అత్యాచారం చేశాడంటూ కేసు నమోదైంది. పోలీసులు నిందితుడిని కోర్టులో హాజరుపరిచారు. తర్వాత జైలుకు తరలించాల్సి ఉంది. ఈ క్రమంలో భయంతో అతను పోలీస్‌స్టేషన్‌లోనే బల్లిని మింగాడని పోలీసులు తెలిపారు. దీంతో అతణ్ని స్థానిక ప్రభుత్వ ఆసుపత్రికి తరలించారు. ప్రస్తుతం అతడి ఆరోగ్య పరిస్థితి నిలకడగా ఉన్నట్లు వైద్యులు తెలిపారు.