Bridge Collapses: నిర్మాణంలో ఉన్న వంతెన కూలి ఒకరి మృతి..

పట్నా:  బిహార్‌లోని సుపాల్‌లో నిర్మాణంలో ఉన్న వంతెనలో కొంత భాగం కూలిపోయింది. శుక్రవారం ఉదయం చోటుచేసుకున్న ఈ ఘటనలో ఒక కార్మికుడు మృతి చెందగా.. 30 మందికి పైగా శిథిలాల కింద చిక్కుకుపోయినట్లు సమాచారం. ఘటనాస్థలిలో సహాయక చర్యలు కొనసాగుతున్నాయని కలెక్టర్ కౌశల్‌ కుమార్‌(Kaushal Kumar) తెలిపారు. క్షతగాత్రులకు జిల్లా ఆసుపత్రిలో చికిత్స అందిస్తున్నామన్నారు. ప్రమాదం జరిగిన సమయంలో వంతెన కింద 40 మందికి పైగా కార్మికులు పని చేస్తున్నారని, ఇప్పటి వరకూ 9 మందిని రక్షించామని తెలియజేశారు. సుపాల్‌, మధుబని జిల్లాలను కలుపుతూ కోసి నదిపై 10.2 కిలో మీటర్ల మేర ఈ వంతెనను నిర్మిస్తున్నారు.