Maharashtra: ఘోరం.. కొవ్వొత్తుల పరిశ్రమలో భారీ అగ్నిప్రమాదం

ముంబయి: మహారాష్ట్ర (Maharashtra)లో ఘోర అగ్నిప్రమాదం జరిగింది. పుణె సమీపంలోని పింప్రి- చించ్వాడ్‌ ప్రాంతంలోని కొవ్వొత్తుల తయారీ పరిశ్రమలో శుక్రవారం మధ్యాహ్నం ఈ ఘోరం జరిగింది. ఈ ఘటనలో ఆరుగురు ప్రాణాలు కోల్పోయారు. ఎనిమిది మంది గాయపడ్డారని అధికారులు తెలిపారు.

దీనిపై సమాచారం అందుకున్న అగ్నిమాపక సిబ్బంది వెంటనే ఘటనాస్థలానికి చేరుకున్నారు. ‘ప్రస్తుతానికి మంటలు ఆర్పివేశాం. ఈ ఘటనకు గల కారణాలు తెలియాల్సి ఉంది’ అని పింప్రి- చించ్వాడ్‌ మున్సిపల్ కమిషనర్‌ మీడియాకు తెలిపారు.  గాయపడిన వారిని దగ్గర్లోని ఆసుపత్రికి తరలించి, చికిత్స అందిస్తున్నారు.  ఈ పరిశ్రమలో మెరుపులు వెదజల్లే కొవ్వొత్తులు(sparkling candles) తయారు చేస్తారు. వాటిని ఎక్కువగా పుట్టినరోజు వేడుకల్లో వాడుతుంటారు.