Rajinikanth-Sathyaraj: రజనీకాంత్‌-సత్యరాజ్‌ ఒక్కటయ్యారు

అగ్ర కథానాయకుడు రజనీకాంత్, సీనియర్‌ నటుడు సత్యరాజ్‌ ఒక్కటయ్యారు. 38 ఏళ్ల తర్వాత ‘కూలీ’ చిత్రంలో వీళ్లు కలిసి నటించనున్నారు. లోకేశ్‌ కనగరాజ్‌ తెరకెక్కిస్తున్న చిత్రమిది. చివరిసారిగా ఈ ఇద్దరూ ‘మిస్టర్‌ భరత్‌’లో తండ్రీకొడుకులుగా నటించారు. 1986లో కావేరీ జల వివాదం సందర్భంగా సత్యరాజ్‌.. రజనీకాంత్‌పై తీవ్ర వ్యాఖ్యలు చేశారు. దీంతో ఇద్దరి మధ్య మనస్పర్థలు మొదలయ్యాయి. అప్పట్నుంచీ ఈ సీనియర్లు కలిసి నటించ లేదు. తాజాగా వీళ్లిద్దరిని ఒప్పించి ‘కూలీ’లో నటించేలా చేశారు లోకేశ్‌. ఇందులో సత్యరాజ్‌.. రజనీకాంత్‌ స్నేహితుడిగా కనిపించనున్నారని సన్నిహితవర్గాలు తెలిపాయి. అయితే దీన్ని ఇంకా అధికారికంగా ధ్రువీకరించాల్సి ఉంది. కమల్‌హాసన్‌ అతిథి పాత్రలో కనిపించనున్న ఈ చిత్రంలో రజనీకి జోడీగా శోభన నటించనున్నారు.