Alia Bhatt: తొలిసారి కుమార్తెను చూపించిన అలియా - రణ్‌బీర్‌.. వీడియో వైరల్‌

ముంబయి: తమ కుమార్తె రాహా(Raha)ను ఎట్టకేలకు కెమెరా ముందుకు తీసుకువచ్చారు బాలీవుడ్‌ స్టార్‌ కపుల్‌ రణ్‌బీర్‌ కపూర్‌ (Ranbir Kapoor), అలియాభట్‌ (Alia Bhatt). క్రిస్మస్‌ సెలబ్రేషన్స్‌లో భాగంగా తమ ఇంటి వద్దకు విచ్చేసిన విలేకర్లను ఈ జోడీ పలకరించింది. తమ కుమార్తెను పరిచయం చేస్తూ ఫొటోలకు పోజులిచ్చింది. దీనికి సంబంధించిన ఓ వీడియో నెట్టింట వైరల్‌గా మారింది. రాహా క్యూట్‌గా ఉందంటూ పలువురు నెటిజన్లు కామెంట్స్‌ చేస్తున్నారు.

Prabhas: అందుకే ‘సలార్‌’కు ఓకే చెప్పా.. పార్ట్‌ 2 మరింత అద్భుతంగా ఉంటుంది : ప్రభాస్‌

రణ్‌బీర్‌ - అలియా భట్‌ చాలా కాలం నుంచి స్నేహితులు. ‘బ్రహ్మాస్త్ర’ కోసం వీరిద్దరూ తొలిసారి స్క్రీన్‌ షేర్‌ చేసుకున్నారు. ఆ సినిమా షూట్‌లోనే ప్రేమలో పడ్డారు. ఇరు కుటుంబాల పెద్దల అంగీకారంతో గతేడాది ఏప్రిల్‌ 14న వీరి వివాహం జరిగింది. నవంబర్‌లో పాప జన్మించింది. తమ పాపకు రాహా అనే పేరు పెట్టామంటూ అలియా గతంలో ఓ పోస్ట్‌ పెట్టారు. వివిధ భాషల్లో ఆ పేరుకు అర్థమేంటో తెలిపారు. రాహా అంటే దైవ మార్గమని, సంస్కృతంలో వంశమని, బెంగాలీలో విశ్రాంతి, సౌకర్యం, ఉపశమనం, అరబిక్‌లో శాంతి, సంతోషం, స్వేచ్ఛ అని చెప్పారు. రణ్‌బీర్‌ ఆ పేరును నిర్ణయించారని అలియా తెలిపారు. పాప రాకతో తమ జీవితం ఆనందంగా మారిందని పలు సందర్భాల్లో ఈ జంట పేర్కొంది. సినిమాల విషయానికి వస్తే.. ‘యానిమల్‌’తో  తాజాగా విజయాన్ని అందుకున్నారు రణ్‌బీర్‌ కపూర్‌. యాక్షన్‌ థ్రిల్లర్‌గా తెరకెక్కిన ఈ సినిమా డిసెంబర్‌ 1న విడుదలై బాక్సాఫీస్‌ వద్ద భారీ వసూళ్లు రాబట్టింది. మరోవైపు, అలియాభట్‌.. ‘రాఖీ ఔర్‌ రాణి కీ ప్రేమ్‌ కహానీ’, ‘హార్ట్‌ ఆఫ్‌ స్టోన్‌’తో ప్రేక్షకులను అలరించారు.