Baddi: వచ్చింది... బడ్డీ పాట

అల్లు శిరీష్‌, గాయత్రి భరద్వాజ్‌ జంటగా నటిస్తున్న చిత్రం ‘బడ్డీ’. శామ్‌ ఆంటోన్‌ దర్శకత్వం వహిస్తున్నారు. స్టూడియో గ్రీన్‌ ఫిలింస్‌ పతాకంపై జ్ఞానవేల్‌ రాజా, అధన జ్ఞానవేల్‌ రాజా నిర్మిస్తున్నారు. ఈ సినిమాలోని ‘ఆ పిల్ల కనులే... చూశాక తననే... ఊహల్లో ఎగిరే మైకంలో మునిగే...’ అంటూ సాగే తొలి పాటని విడుదల చేశారు. సాయి హేమంత్‌ రచించిన పాటని... హిప్‌ హాప్‌ తమిళతో కలిసి సంజిత్‌ హెగ్డే, ఐరా, విష్ణు ప్రియ రవి ఆలపించారు.  చిత్రీకరణ పూర్తి చేసుకున్న ఈ సినిమాని త్వరలోనే ప్రేక్షకుల ముందుకు తీసుకొస్తున్నట్టు నిర్మాత తెలిపారు.