Anasuya: జనసేనలో చేరతానని నేను చెప్పలేదు.. కానీ: అనసూయ

ఇంటర్నెట్‌డెస్క్‌: యాంకర్‌ అనసూయ (Anasuya) త్వరలో రాజకీయాల్లోకి రానున్నారని, జనసేన పార్టీలో చేరనున్నారంటూ వార్తలు చక్కర్లు కొడుతున్నాయి. వీటిపై ఆమె తాజాగా స్పందించారు.

‘‘నేను తుమ్మినా, దగ్గినా కాంట్రవర్సీ చేస్తున్నారు. ఇటీవల ఓ ఇంటర్వ్యూలో రాజకీయాల గురించి అడిగిన ప్రశ్నకు సమాధానం ఇచ్చానంతే. నాయకుడు నచ్చి, అతడి అజెండా నచ్చితే తప్పకుండా ప్రోత్సహిస్తానని చెప్పా. అంతేకానీ, పార్టీలో చేరతానని లేదా ప్రచారం చేస్తానని చెప్పలేదు. ‘జనసేన’ పార్టీ అజెండా నాకెంతో నచ్చింది’’ అని స్పష్టతనిచ్చారు.

‘రజాకార్’లో యాక్ట్‌ చేయడం గురించి మాట్లాడుతూ.. ‘‘పాత్ర నచ్చితే తప్పకుండా ఏ చిత్రంలోనైనా నటిస్తా. ‘రజాకర్‌’ అనేది మన చరిత్ర. అలాంటి మూవీలో భాగం కావడం అదృష్టంగా భావిస్తున్నా’’ అని అన్నారు.