Aishwarya Arjun: అర్జున్‌ ఇంట పెళ్లి సందడి షురూ.. ఫొటోలు వైరల్‌

ఇంటర్నెట్‌ డెస్క్‌: ప్రముఖ నటుడు అర్జున్‌ (Arjun Sarja) ఇంట పెళ్లి సందడి మొదలైంది. ఆయన కుమార్తె, నటి ఐశ్వర్య (Aishwarya Arjun) వివాహం నటుడు ఉమాపతి రామయ్య (Umapathy Ramaiah)తో అతి త్వరలోనే జరగనుంది. ఇందులో భాగంగా చెన్నైలోని అర్జున్‌ నివాసంలో హల్దీ, మెహందీ, సంగీత్‌ వేడుకలు నిర్వహించారు. సంబంధిత ఫొటోలు నెట్టింట వైరల్‌ అయ్యాయి. సంగీత్‌కు హాజరైన హీరో విశాల్‌.. అక్కడ దిగిన స్టిల్స్‌ను సోషల్‌ మీడియా వేదికగా అభిమానులతో పంచుకున్నారు. అర్జున్‌ ఫ్యామిలీ తనకున్న అనుబంధాన్ని గుర్తుచేసుకున్నారు.

కోలీవుడ్‌ సీనియర్‌ నటుడు, దర్శకుడు తంబి రామయ్య (Thambi Ramaiah) కుమారుడే ఉమాపతి. అర్జున్‌ వ్యాఖ్యాతగా వ్యవహరించిన ఓ రియాల్టీ షోలో ఉమాపతి పాల్గొన్నారు. అప్పటి నుంచి ఇరు కుటుంబాల మధ్య పరిచయం ఏర్పడింది. ఈ క్రమంలోనే ఉమాపతి, ఐశ్వర్య ప్రేమలో పడ్డారు. తమిళం, కన్నడ చిత్రాల్లో నటించారు ఐశ్వర్య. ఆమె హీరోయిన్‌గా ఓ తెలుగు సినిమా ఖరారు కాగా అది తాత్కాలికంగా నిలిచిపోయింది. అర్జున్‌ దర్శకత్వంలో తెరకెక్కాల్సిన సినిమా అది.

నటుడు ప్రేమ్‌జీ వివాహం.. సందడి చేసిన సెలబ్రిటీస్‌