Kalki 2898 AD: ‘కల్కి 2898 ఏడీ’ స్పెషల్‌ వీడియో.. ఆ రోజు నుంచే స్ట్రీమింగ్‌

ఇంటర్నెట్‌ డెస్క్: ప్రభాస్‌ (Prabhas) హీరోగా దర్శకుడు నాగ్‌ అశ్విన్‌ తెరకెక్కించిన సైన్స్‌ ఫిక్షన్‌ మూవీ ‘కల్కి 2898 ఏడీ’ (Kalki 2898 AD). ప్రభాస్‌.. భైరవగా నటించిన ఈ చిత్రంలో ‘బుజ్జి’ అనే వాహనం కీలకంగా నిలవనుంది. ఈ అధునాతన వెహికల్‌ను ప్రేక్షకులకు పరిచయం చేసేందుకు చిత్ర బృందం ఇటీవల ప్రత్యేక ఈవెంట్‌ నిర్వహించిన సంగతి తెలిసిందే. దీంతో, బుజ్జితో భైరవ ప్రయాణం ఎలా సాగిందో తెలుసుకునేందుకు మూవీ లవర్స్‌ ఆసక్తిగా ఎదురుచూస్తున్నారు. ఈ క్రమంలోనే.. ‘కల్కి’ టీమ్‌ సర్‌ప్రైజ్‌ ఇచ్చింది. ‘బుజ్జి అండ్‌ భైరవ’ (Bujji And Bhairava) పేరుతో రూపొందించిన ప్రత్యేక వీడియో ఓటీటీ ‘అమెజాన్‌ ప్రైమ్‌ వీడియో’ (Amazon Prime Video)లో ఈ నెల 31 నుంచి స్ట్రీమింగ్‌ అవుతుందని తెలిపింది. చిన్నారులకు వినోదం పంచే ఉద్దేశంతో దాన్ని రూపొందించినట్టు తాజాగా విడుదలైన విడుదైన గ్లింప్స్‌ చూస్తే అర్థమవుతోంది. ఆ స్పెషల్‌ వీడియోలో ఏయే అంశాలు ఉన్నాయో తెలియాలంటే వేచి చూడాల్సిందే.

భారీ టైర్లు.. ఆరు టన్నుల బరువు.. ‘బుజ్జి’ కారు విశేషాలు తెలుసా?

ఇతిహాసాలతో ముడిపడిన ఈ భారీ బడ్జెట్‌ సినిమాలో అమితాబ్‌ బచ్చన్‌ (Amitabh Bachchan), కమల్‌ హాసన్‌ (Kamal Haasan), దీపికా పదుకొణె (Deepika Padukone), దిశా పటానీ (Disha Patani) కీలక పాత్రలు పోషించారు. ఈ చిత్రం జూన్‌ 27న విడుదల కానుంది.