Hema: రేవ్‌ పార్టీ కేసు.. నటి హేమకు మరోసారి నోటీసులు

ఇంటర్నెట్‌ డెస్క్‌: బెంగళూరు రేవ్‌ పార్టీ (Bengaluru Rave Party) కేసుకు సంబంధించి సీసీబీ పోలీసులు నటి హేమ (Hema)కు మరోసారి నోటీసులు జారీ చేశారు. తాజాగా జూన్‌ 1న విచారణకు రావాలని నోటీసులు ఇచ్చారు. ఇంతకముందు ఆమెకు నోటీసులు జారీ చేయగా.. తనకు వైరల్‌ ఫీవర్‌ వచ్చిందని, విచారణకు రాలేనని హేమ చెప్పారు. దీంతో ఆమెతో పాటు మరో 8 మంది నిందితులకు తాజాగా నోటీసులు ఇచ్చారు.

రేవ్‌ పార్టీలో పట్టుబడిన వారిలో 103 మందికి డ్రగ్‌ టెస్ట్‌లో పాజిటివ్‌గా తేలినట్లు బెంగళూరు పోలీసులు వెల్లడించిన సంగతి తెలిసిందే. పలువురు నటుల రక్త నమూనాల్లో మాదకద్రవ్యాల ఆనవాళ్లు లభ్యమైనట్లు పోలీసులు తెలిపారు.