Vikram: మాస్‌.. కాళి

విక్రమ్‌ పుట్టినరోజు సందర్భంగా బుధవారం కొత్త సినిమాని ప్రకటించారు. ‘వీర ధీర శూరన్‌’ పేరుతో రూపొందుతున్న ఈ సినిమా ఆయనకి 62వ చిత్రం. ఎస్‌.యు.అరుణ్‌కుమార్‌ దర్శకత్వం వహిస్తుండగా, రియా శిబు నిర్మిస్తున్నారు. ఇందులో కాళి అనే మాస్‌ పాత్రలో సందడి చేయనున్నారు విక్రమ్‌. త్వరలోనే తెలుగు పేరుని ప్రకటిస్తామని సినీ వర్గాలు తెలిపాయి. ఎస్‌.జె.సూర్య, దుషారా విజయన్‌ తదితరులు నటిస్తున్న ఈ చిత్రానికి సంగీతం: జి.వి.ప్రకాశ్‌కుమార్‌, ఛాయాగ్రహణం: తేని ఈశ్వర్‌, కళ: సి.ఎస్‌.బాలచందర్‌.

‘తంగలాన్‌’ ప్రచార చిత్రం

విక్రమ్‌ కథానాయకుడిగా రూపొందుతున్న పీరియాడిక్‌ యాక్షన్‌ చిత్రం ‘తంగలాన్‌’. పా.రంజిత్‌ దర్శకుడు. జియో స్టూడియోస్‌తో కలిసి స్టూడియో గ్రీన్‌ పతాకంపై కేఈ జ్ఞానవేల్‌ రాజా నిర్మిస్తున్నారు. బుధవారం ఈ సినిమాకి సంబంధించిన ప్రత్యేకమైన ప్రచార చిత్రాన్ని విడుదల చేశారు. ‘‘చరిత్రలో జరిగిన కొన్ని యథార్థ సంఘటనల నేపథ్యంలో తెరకెక్కుతున్న సాహసోపేతమైన కథ ఇది. విక్రమ్‌ ఎంతగా కష్టపడ్డారో ఈ ప్రచార చిత్రంలో కనిపిస్తుంది’’ అన్నారు దర్శకుడు. త్వరలోనే విడుదల తేదీని ప్రకటించనున్నట్టు తెలిపాయి సినీ వర్గాలు.