Buchi Babu: విషాదంలో ‘ఉప్పెన’ దర్శకుడు బుచ్చిబాబు

ఇంటర్నెట్‌ డెస్క్: ‘ఉప్పెన’ చిత్ర దర్శకుడు బుచ్చిబాబు సానా (Buchi Babu Sana) ఇంట విషాదం నెలకొంది. ఆయన తండ్రి వెంకటరావు (68) మరణించారు. కొంతకాలంగా అనారోగ్యంతో బాధపడుతున్న ఆయన శుక్రవారం ఉదయం తుదిశ్వాస విడిచారు. స్వగ్రామం యు.కొత్తపల్లి (కాకినాడ జిల్లా)లో వెంకటరావు అంత్యక్రియలు పూర్తయ్యాయి. ప్రముఖ దర్శకుడు సుకుమార్‌.. వెంకటరావు భౌతికకాయానికి నివాళులర్పించారు. కష్ట సమయంలో బుచ్చిబాబుకు అండగా నిలిచారు. సామాజిక మాధ్యమాల వేదికగా పలువురు సినీ ప్రముఖులు బుచ్చిబాబు కుటుంబానికి సానుభూతి ప్రకటించారు.

సుకుమార్‌ (Sukumar), బుచ్చిబాబు గురు- శిష్యులనే సంగతి తెలిసిందే. ‘ఉప్పెన’తో డైరెక్టర్‌గా మారిన బుచ్చిబాబు తొలి ప్రయత్నంలోనే మంచి గుర్తింపు తెచ్చుకున్నారు. ప్రస్తుతం రామ్‌చరణ్‌ (Ram Charan) హీరోగా ఓ సినిమా రూపొందిస్తున్నారు.