Ravi Teja: ‘ధమాకా’ విషయంలో నేననుకున్నది నిజమైంది: రవితేజ

హైదరాబాద్‌: రవితేజ (Ravi Teja), శ్రీలీల (Sree Leela) జంటగా నటించిన చిత్రం ‘ధమాకా’ (Dhamaka). త్రినాథరావు నక్కిన దర్శకత్వంలో రూపొందిన ఈ సినిమా విడుదలై ఏడాది గడిచింది. మరోవైపు, రవితేజ తాజా సినిమా ‘ఈగల్‌’ (Eagle) 2024 సంక్రాంతికి ప్రేక్షకుల ముందుకు రానుంది. ఈ సందర్భంగా ‘ఈగల్‌ x ధమాకా’ (Eagle X Dhamaka Celebrations Event) పేరుతో సెలబ్రేషన్స్‌ నిర్వహించారు. ‘ధమాకా’ టీమ్‌కు నిర్మాత టీజీ విశ్వప్రసాద్‌ జ్ఞాపికలు అందజేశారు.

ఆ ఒక్క కారణంతో.. తొలివారం సుమారు రూ.40 కోట్లు నష్టపోయాం: ‘యానిమల్‌’ నిర్మాత

ఈ సందర్భంగా రవితేజ మాట్లాడుతూ.. ‘‘ధమాకా’ నిన్నో మొన్నో విడుదలైనట్లుంది. సంవత్సరం అయిందంటే నమ్మబుద్ధి కావట్లేదు. సంగీత దర్శకుడు భీమ్స్‌కు మంచి గుర్తింపు వస్తుందని ధమాకా సినిమా విడుదలకాక ముందు అనుకున్నా. అదే నిజమైంది. వరుస సినిమాలతో బిజీగా ఉన్నాడు. మళ్లీ మేం కలిసి పనిచేయబోతున్నాం. ఊహించినట్లే శ్రీలీల హీరోయిన్‌గా రాణిస్తోంది’’ అని అన్నారు. ‘ఈగల్‌’ గురించి చెబుతూ.. ‘‘దర్శకుడు కార్తీక్‌ మీకు కొత్త రవితేజను చూపించబోతున్నాడు. ఈ సినిమాలో కొత్త కావ్యా థాపర్‌ కనిపిస్తుంది’’ అని అన్నారు. ‘‘పెళ్లిసందD’ విడుదలకు ముందే నాకు ‘ధమాకా’లో నటించే అవకాశం వచ్చింది. మంచి విజయాన్ని అందించిన ప్రేక్షకులకు ధన్యవాదాలు’’ అని శ్రీలీల పేర్కొన్నారు. ఈ కార్యక్రమంలో కావ్యా థాపర్‌, అవసరాల శ్రీనివాస్‌, భీమ్స్‌ తదితరులు పాల్గొన్నారు.