మహేశ్‌ దర్శకత్వంలో రామ్‌?

కథానాయకుడు రామ్‌ ప్రస్తుతం ‘డబుల్‌ ఇస్మార్ట్‌’ను ముగించే పనిలో ఉన్నారు. ఇది జులైలో థియేటర్లలోకి రానున్నట్లు తెలుస్తోంది. కానీ, దీని తర్వాత రామ్‌ చేయనున్న సినిమా ఏదన్నది ఇంత వరకు తేలలేదు. అయితే ఇప్పుడీ విషయంపై స్పష్టత వస్తోంది. ‘మిస్‌ శెట్టి మిస్టర్‌ పొలిశెట్టి’ చిత్రంతో ప్రేక్షకుల్ని మెప్పించిన యువ దర్శకుడు పి.మహేశ్‌బాబు, రామ్‌ కోసం ఓ ఎమోషనల్‌ డ్రామా కథను సిద్ధం చేసినట్లు తెలిసింది. ఇప్పటికే ఈ స్క్రిప్ట్‌ను రామ్‌కు వినిపించారని.. అది ఆయనకు నచ్చడంతో సినిమా చేసేందుకు సంసిద్ధత వ్యక్తం చేశారని సమాచారం. మైత్రీ మూవీ మేకర్స్‌ నిర్మాణంలో ఇది సెట్స్‌పైకి వెళ్లనున్నట్లు వార్తలొస్తున్నాయి. సెప్టెంబరు నుంచి చిత్రీకరణ ప్రారంభించనున్నట్లు ప్రచారం జరుగుతోంది.