Hema: మరో వీడియో పోస్ట్‌ చేసిన నటి హేమ

ఇంటర్నెట్‌ డెస్క్‌: బెంగళూరు శివారు ప్రాంతంలోని ఓ ఫామ్‌ హౌజ్‌లో నిర్వహించిన రేవ్‌ పార్టీ (Bengaluru Rave Party) చర్చనీయాంశమైన సంగతి తెలిసిందే. తెలుగు నటులు పలువురు అందులో పాల్గొన్నట్టు వచ్చిన రూమర్స్‌ దుమారం రేపాయి. అక్కడికి తాను వెళ్లినట్టు ప్రచారం జరగ్గా దాన్ని ఖండిస్తూ నటి హేమ (Hema) సోమవారం వీడియో విడుదల చేశారు. ఆ రేవ్‌ పార్టీతో తనకెలాంటి సంబంధం లేదని తెలిపారు. ప్రముఖ నటుడు శ్రీకాంత్‌ (Srikanth), కొరియోగ్రాఫర్‌ జానీ మాస్టర్‌ (Jani Master)ల పేర్లూ తెరపైకి రాగా.. తమకు అలాంటి అలవాట్లు లేవన్నారు. తమపై వచ్చిన వదంతులను ఖండించారు. దీంతో, వారి సోషల్‌మీడియా ఖాతాలపై నెటిజన్ల దృష్టి పడింది. వారేం పోస్ట్‌ చేస్తున్నారా? తెలుసుకునేందుకు ఆసక్తి చూపిస్తున్నారు. ఈ క్రమంలోనే హేమ తాను చేసిన ధమ్‌ బిర్యానీకి సంబంధించిన వీడియో పోస్ట్‌ చేశారు. దాన్ని ఎలా వండాలో అందులో పేర్కొన్నారు.

రేవ్‌ పార్టీలో ఆ తెలుగు నటి పాల్గొన్నారు: బెంగళూరు కమిషనర్‌