Devara: : ‘దేవర’ సెట్స్‌లోకి మళ్లీ జాన్వీ..!

ఇంటర్నెట్‌ డెస్క్‌: బాలీవుడ్‌ కథానాయిక జాన్వీకపూర్‌(Janhvi Kapoor) ఎన్టీఆర్‌ ‘దేవర’ చిత్రంలో ‘తంగం’ పాత్ర పోషిస్తున్నారు.  ఇటీవల గోవాలో ప్రారంభమైన కొత్త షెడ్యూల్‌లో పాల్గొంటున్నట్లు ఆమె తన ఇన్‌స్టాగ్రామ్‌లో వెల్లడించారు. ‘‘మరోసారి తంగం పాత్రలోకి వచ్చేందుకు ఇక వేచి ఉండలేను’’ అని పోస్ట్‌ పెట్టారు.

టాలీవుడ్‌ అగ్ర కథానాయకుడు ఎన్టీఆర్‌ (NTR) ప్రధాన పాత్రలో నటిస్తున్న చిత్రం ‘దేవర’ (Devara). కొరటాల శివ ఈ సినిమాను పాన్‌ ఇండియా స్థాయిలో రూపొందిస్తున్నారు. ఇందులో ఎన్టీఆర్‌ మాస్‌ లుక్‌లో కనిపించనున్నారు. మిక్కిలినేని సుధాకర్‌, హరికృష్ణ. కె ఈ చిత్రాన్ని సంయుక్తంగా నిర్మిస్తున్నారు. సైఫ్‌ అలీఖాన్‌ దీనిలో ప్రతినాయకుడిగా నటిస్తున్నారు. తీరం నేపథ్యంలో సాగే యాక్షన్‌ కథాంశంతో ఇది తెరకెక్కుతోంది. అనిరుధ్‌ సంగీత దర్శకుడు. ఈ సినిమా రెండు భాగాలుగా రూపొందుతోంది. తొలి భాగం ‘దేవర: పార్ట్‌ 1’ పేరుతో అక్టోబరు 10న ప్రపంచవ్యాప్తంగా విడుదల కానుంది.

అగ్ర హీరో రామ్‌ చరణ్‌-బుచ్చిబాబు కాంబినేషన్‌లో రానున్న చిత్రంలో జాన్వీ కపూర్‌ నటించనున్నారు. మైత్రీ మూవీమేకర్స్‌, వృద్ధి సినిమాస్‌, సుకుమార్‌ రైటింగ్స్‌ సంస్థలు దీనిని నిర్మిస్తున్నాయి. ఏఆర్‌ రెహమాన్‌ దీనికి స్వరాలు అందించనున్నారు. ఇటీవల హైదరాబాద్‌లో ఈ సినిమా పూజా కార్యక్రమం జరిగింది.