Breaking | Feedback | ePratibha | E-PAPER | Pratibha

kalki: క్లీంకారకు ‘బుజ్జి’ గిఫ్ట్‌.. ‘కల్కి’కు ఆల్‌ ది బెస్ట్‌ చెప్పిన ఉపాసన

రామ్‌ చరణ్‌ కుమార్తె క్లీంకారకు ‘కల్కి’ టీమ్‌ బహుమతిని పంపింది. ఆ ఫొటోను ఉపాసన షేర్‌ చేశారు.

Published : 03 Jun 2024 10:49 IST

ఇంటర్నెట్‌ డెస్క్: ‘కల్కి’ టీమ్‌ ప్రమోషన్స్‌ జోరు పెంచింది. అందులో భాగంగానే సినీ సెలబ్రిటీల పిల్లలకు గిఫ్ట్‌లు పంపుతోంది. ప్రభాస్‌ (Prabhas) హీరోగా నాగ్‌ అశ్విన్ దర్శకత్వంలో రూపొందిన సైన్స్‌ ఫిక్షన్‌ థ్రిల్లర్‌ ‘కల్కి 2898 ఏడీ’ (Kalki 2898 AD). ఈ చిత్రం జూన్‌ 27న ప్రపంచవ్యాప్తంగా విడుదల కానుంది. ఇటీవల బుజ్జి (వాహనం) వెహికల్ లాంచ్‌ ఈవెంట్‌ను ఘనంగా నిర్వహించిన టీమ్‌.. దీంతోనే ప్రమోషన్స్‌ను షురూ చేసింది.

ఈ వారం థియేటర్‌/ఓటీటీలో అలరించే చిత్రాలు, సిరీస్‌లివే!

సినీ సెలబ్రిటీల పిల్లలకు ‘కల్కి’ టీమ్‌ గిఫ్ట్‌లు అందుతున్నాయి. తాజాగా రామ్‌ చరణ్‌ కుమార్తె క్లీంకారకు (Klinkaara) మూవీ యూనిట్‌ ఓ బహుమతి అందించింది. అందులో బుజ్జి - భైరవ స్టికర్స్‌, బుజ్జి బొమ్మ, టీషర్ట్స్‌ ఉన్నాయి. క్లీంకార వాటితో ఆడుకుంటున్న ఫొటోలను ఉపాసన ఇన్‌స్టాలో షేర్‌ చేశారు. కల్కి టీమ్‌కు థ్యాంక్స్‌, ‘ఆల్‌ ది బెస్ట్‌’ చెప్పారు. అలాగే మరికొంతమంది సెలబ్రిటీల పిల్లలకు కూడా వీటిని పంపనున్నట్లు తెలుస్తోంది. ప్రచారంలో భాగంగానే తాజాగా ‘బుజ్జి అండ్‌ భైరవ’ పేరుతో యానిమేటెడ్‌ సిరీస్‌ తీసుకొచ్చింది. అమెజాన్‌ ప్రైమ్‌ వీడియో వేదికగా స్ట్రీమింగ్‌ అవుతున్న ఈ సిరీస్‌కు మంచి ప్రేక్షకాదరణ వచ్చింది. ప్రభాస్ సరసన దీపిక పదుకొణె (Deepika Padukone) నటిస్తుండగా.. సీనియర్‌ హీరో కమల్‌ హాసన్‌ విలన్‌ పాత్రలో కనిపించనున్నారు. అలాగే అమితాబ్‌ బచ్చన్‌, పశుపతి, దిశా పటానీ కీలక పాత్రలు పోషిస్తున్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.