kalki: కాశీ వీధుల్లో భైరవ

మహాభారత పురాణంలోని సంఘటనలు మొదలుకొని...భవిష్యత్తులో రానున్న 2898 సంవత్సరం వరకూ జరిగే కథతో ‘కల్కి 2898 ఏడీ’ తెరకెక్కుతోంది. ప్రభాస్‌ కథానాయకుడిగా నటిస్తున్నారు. నాగ్‌ అశ్విన్‌ దర్శకుడు. అమితాబ్‌ బచ్చన్‌, కమల్‌హాసన్‌, దీపికా పదుకొణె, దిశా పటానీ కీలక పాత్రలు పోషిస్తున్నారు.  వైజయంతీ మూవీస్‌ పతాకంపై సి.అశ్వనీదత్‌ నిర్మిస్తున్నారు. ఇందులో భైరవ పాత్రలో ప్రభాస్‌ సందడి చేయనున్నారు. మహా శివరాత్రి సందర్భంగా ఇందులో ఆయన లుక్‌ని విడుదల చేశారు. భవిష్యత్తు కాశీ నగరం వీధుల్లో ఉన్న భైరవగా ప్రభాస్‌ని పరిచయం చేసింది చిత్రబృందం. ఆధునిక అవతారంలో ప్రభాస్‌ కనిపించారు. సైన్స్‌ ఫిక్షన్‌ కథతో రూపొందుతున్న ఈ సినిమా చిత్రీకరణ ప్రస్తుతం ఇటలీలో జరుగుతోంది. మే 9న ప్రేక్షకుల ముందుకు రానుంది.