Mama Mascheendra: ప్రచారంలో కొత్త పంథా.. ఇండియన్‌ సినిమా చరిత్రలో తొలిసారిగా!

ఇంటర్నెట్‌ డెస్క్‌: సినిమాని రూపొందించడం ఒకెత్తు అయితే దాన్ని ఎక్కువ మంది ప్రేక్షకులకు చేరువయ్యేలా ప్రచారం చేయడం మరో ఎత్తు. ఈ విషయంలో ఒక్కో చిత్ర బృందాన్ని ఒక్కో స్టైల్‌. ఈ క్రమంలో వచ్చిందే ‘పెయిడ్‌ ప్రీమియర్‌’ కాన్సెప్ట్‌. అంటే ఎంపిక చేసిన థియేటర్‌లలో ప్రేక్షకులు కొత్త సినిమాను విడుదలకన్నా ముందే చూడొచ్చు. సినిమా బాగుందని టాక్‌ వినిపిస్తే మంచి ఓపెనింగ్స్‌ వస్తాయి. ఈ పంథాలో ‘మామా మశ్చీంద్ర’ (Mama Mascheendra) మరో అడుగు ముందుకేసింది. ప్రీమియర్‌ షో చూసే ప్రేక్షకుల స్పందనను యూట్యూబ్‌/సోషల్‌ మీడియా ద్వారా ప్రత్యక్ష ప్రసారం చేయనుంది. నటీనటులు, సాంకేతిక బృందంతో ప్రేక్షకుల ముచ్చట్లనూ లైవ్‌ టెలీకాస్ట్‌ చేయనుంది. ఇలా చేయడం ఇండియన్‌ సినిమా చరిత్రలో తొలిసారి అని పేర్కొంది. శుక్రవారం విడుదలకానున్న ఈ చిత్రాన్ని హైదరాబాద్‌లోని ఎ.ఎం.బి. సినిమాస్‌లో గురువారం ఉదయం 10 గం. 30 ని.లకు ప్రత్యేకంగా ప్రదర్శించనున్నారు.

అప్పుడు నష్టాలు చూశా.. ఒత్తిడికి లోనయ్యా: అనితా చౌదరి

సుధీర్‌ బాబు (Sudheer Babu) హీరోగా నటుడు, రచయిత హర్ష వర్దన్‌ దర్శకత్వంలో రూపొందిన చిత్రమిది. విభిన్న కథతో రూపొందిన ఈ సినిమాలో సుధీర్‌ త్రిపాత్రాభినయం చేశారు. భారీకాయుడిగా, డాన్‌గా, డీజేగా ఆయన సందడి చేయనున్నారు. ఈషా రెబ్బా, మృణాళిని రవి కథానాయికలు. ఇటీవల నిర్వహించిన ప్రీ రిలీజ్‌ ఈవెంట్‌లో సుధీర్‌ మాట్లాడుతూ.. ఇందులోని పాత్రలు సవాలుతో కూడుకున్నవని, భూతద్దంతో ఈ సినిమాని చూడొద్దని క్రిటిక్స్‌, మీమర్స్‌కు విజ్ఞప్తి చేశారు. ఓ పాత్ర విషయంలో మేకప్‌ సరిగా లేదని ఓ మీమర్‌ క్రియేట్‌ చేసిన మీమ్‌పై ఆయన అలా స్పందించారు.