Mahesh Babu: మహేశ్‌బాబు చిత్రం సరికొత్త రికార్డ్‌.. అభిమానుల ఆనందం

హైదరాబాద్‌: నటుడు మహేశ్‌బాబు (Mahesh Babu) నటించిన ఓ సినిమా సరికొత్త రికార్డు సృష్టించింది. ఇప్పటి వరకూ ఏ తెలుగు చిత్రం ఆ రికార్డును అందుకోకపోవడం విశేషం. ఇంతకీ ఆ రికార్డు ఏమిటి? దానిని అందుకున్న చిత్రమేమిటంటే..?

మహేశ్‌బాబు కథానాయకుడిగా నటించిన ఫ్యామిలీ ఎంటర్‌టైనర్‌ ‘శ్రీమంతుడు’ (Srimanthudu). కొరటాల శివ దర్శకత్వంలో ఇది తెరకెక్కింది. శ్రుతిహాసన్‌ కథానాయిక. సొంత ఊరును దత్తత తీసుకోవడం అనే కాన్సెప్ట్‌తో రూపుదిద్దుకున్న ఈ చిత్రం 2015లో విడుదలై బ్లాక్‌బస్టర్‌ విజయాన్ని అందుకుంది. వసూళ్ల పరంగా అప్పట్లో ఇది నాన్‌ బాహుబలి రికార్డులను అందుకుంది. కాగా, తాజాగా ఈ సినిమా అరుదైన ఘనత సొంతం చేసుకుంది. యూట్యూబ్‌లో 200 మిలియన్లకు పైగా వ్యూస్‌ అందుకున్న తొలి తెలుగు చిత్రంగా నిలిచింది.

Jawan: జవాన్‌ కోసం గూగుల్‌ యానిమేషన్‌ ‘రెడీ’..!

చిత్ర నిర్మాణ సంస్థ మైత్రి మూవీ మేకర్స్‌ 2017లో ‘శ్రీమంతుడు’ పూర్తి చిత్రాన్ని యూట్యూబ్‌ వేదికగా సినీ ప్రియులకు అందుబాటులోకి తెచ్చిన విషయం తెలిసిందే. ఆనాటి నుంచి ఇప్పటివరకూ ఈ చిత్రాన్ని దాదాపు 200,041,750 మంది వీక్షించారు. 834K మంది దీనిని లైక్‌ చేశారు. ఈ ఘనత దక్కడంపై మహేశ్‌ అభిమానులు ఆనందం వ్యక్తం చేస్తున్నారు.