Mama Mascheendra: ఓటీటీలోకి ‘మామా మశ్చీంద్ర’.. స్ట్రీమింగ్‌ ఎక్కడంటే?

ఇంటర్నెట్‌ డెస్క్‌: థియేటర్లలో విడుదలైన రెండువారాల్లోనే ఓటీటీలోకి వచ్చేందుకు సిద్ధమైంది ‘మామా మశ్చీంద్ర’ (Mama Mascheendra) చిత్రం. సుధీర్‌ బాబు (Sudheer Babu) హీరోగా తెరకెక్కిన ఈ సినిమా ఈ నెల 6న థియేటర్ల వేదికగా ప్రేక్షకుల ముందుకొచ్చింది. ఈ నెల 20 నుంచి తెలుగు ఓటీటీ ‘ఆహా’ (Aha)లో స్ట్రీమింగ్‌ కానుంది. నటుడు హర్ష వర్ధన్‌ తొలిసారి దర్శకత్వం వహించిన చిత్రమిది. సుధీర్‌ త్రిపాత్రాభినయం చేసిన ఈ సినిమాలో ఈషా రెబ్బా, మృణాళిని రవి కథానాయికలుగా అలరించారు. అజయ్‌, అలీ రెజా, రాజీవ్‌ కనకాల, హరితేజ, మిర్చి కిరణ్‌ తదితరులు కీలక పాత్రలు పోషించారు.

హారర్‌ సినిమా.. ఆ సీన్స్‌ చేస్తున్నప్పుడు ఏదో ఒక ఇబ్బంది ఎదురయ్యేది

క‌థేంటంటే: క్రూరుడైన తండ్రి వ‌ల్ల చిన్న‌ప్పుడే త‌ల్లిని కోల్పోతాడు ప‌ర‌శురామ్ (సుధీర్‌ బాబు). త‌నకి ద‌క్కాల్సిన ఆస్తుల్ని మేన‌మామ (అజ‌య్‌) లాగేసుకోవ‌డంతో ఎలాగైనా ఆ ఆస్తిని తిరిగి రాబ‌ట్టుకోవాల‌ని ప‌థ‌కం ర‌చిస్తాడు. మామ‌కు కూతురుతో స‌మానమైన అమ్మాయిని పెళ్లి చేసుకుని అనుకున్న‌ట్టే ఆస్తిని తిరిగి సొంతం చేసుకుంటాడు. ఆ త‌ర్వాత ప‌ర‌శురామ్ భార్య ఓ పాప‌కి జ‌న్మినిచ్చి చ‌నిపోతుంది. త‌న మామ పేరిట ఉన్న ఆస్తుల‌న్నింటినీ అమ్మేసుకుని కూతురుతో స‌హా వెళ్లి పారిస్‌లో స్థిర‌ప‌డిపోవాల‌ని నిర్ణ‌యించుకుంటాడు ప‌ర‌శురామ్‌. ఆ ప్ర‌య‌త్నాల్లో ఉండ‌గానే అత‌నిపై హ‌త్యాయ‌త్నం జ‌రుగుతుంది. ఇంత‌కీ ప‌ర‌శురామ్‌ని హ‌త్య చేయాల‌నుకున్న‌దెవ‌రు? త‌న రూపురేఖ‌ల‌తోనే ఉన్న క‌వ‌ల‌లు డీజే, దుర్గ (సుధీర్‌)లకి ఈ హ‌త్య‌తో సంబంధం ఏమైనా ఉందా? వాళ్లిద్ద‌రినీ హ‌త్య చేయాల‌ని ప‌ర‌శురామ్ ముందే ఎందుకు ప్లాన్ చేశాడు?వైర‌ల్ విశాలాక్షి (ఈషా రెబ్బా), మీనాక్షి (మృణాళిని ర‌వి)ల్లో ప‌ర‌శురామ్ కూతురు ఎవ‌రు? అన్నది మిగతా కథ.