Oppenheimer: ఓటీటీలోకి హాలీవుడ్ బ్లాక్‌బస్టర్‌ ‘ఓపెన్‌హైమర్‌’.. కండిషన్స్‌ అప్లయ్‌..!

ఇంటర్నెట్‌డెస్క్‌: హాలీవుడ్‌ రీసెంట్‌ బ్లాక్‌బస్టర్‌ ‘ఓపెన్‌హైమర్‌’. క్రిస్టఫర్‌ నోలన్‌ దర్శకత్వం వహించిన ఈ చిత్రంలో సిలియన్ మర్ఫీ ప్రధాన పాత్రలో నటించారు. శాస్త్రవేత్త జె.రాబర్ట్ ఓపెన్‌హైమర్ (Robert J Oppenheimer) జీవితం ఆధారంగా తెరకెక్కిన ఈ సినిమా ప్రపంచవ్యాప్తంగా ఘన విజయాన్ని అందుకుంది. తాజాగా ఈ సినిమా ఓటీటీలోకి అడుగుపెట్టింది. ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ వీడియో వేదికగా ఇది అందుబాటులోకి వచ్చింది. ప్రస్తుతానికి రెంట్‌ విభాగంలో అందుబాటులో ఉన్న ఈ సినిమా వీక్షించాలంటే రూ.149 చెల్లించాల్సి ఉంది. ఈ విషయాన్ని తెలియజేస్తూ ప్రైమ్‌ వీడియో పోస్ట్‌ పెట్టింది.

రష్మితో సినిమా ఎప్పుడు చేస్తారు?సుధీర్‌ సమాధానమిదే..

అణు బాంబును కనుగొన్న శాస్త్రవేత్త జె.రాబర్ట్ ఓపెన్‌హైమర్ జీవితం ఆధారంగా చేసుకుని ‘ఓపెన్‌ హైమర్‌’ను రూపొందించారు. ఈ ఏడాది జులై 21న ప్రేక్షకుల ముందుకు వచ్చిన ఈసినిమా ప్రపంచవ్యాప్తంగా భారీ వసూళ్లు రాబట్టింది. 100 మిలియన్‌ డాలర్లతో దీనిని నిర్మించగా.. 950 మిలియన్‌ డాలర్లు వసూళ్లు చేసినట్లు సినీ విశ్లేషకుల అంచనా. ఈ చిత్రాన్ని ప్రతిష్ఠాత్మకంగా తీర్చిదిద్దినప్పటికీ భగవద్గీతకు సంబంధించి చిత్రీకరించిన ఓ సన్నివేశం వివాదాస్పదంగా మారింది. శృంగార సన్నివేశంలో భగవద్గీతను చూపించడాన్ని సినీప్రియులు తప్పుబట్టారు. ఆ సీన్‌ తొలగించాలని డిమాండ్‌ చేశారు.