Pawan Kalyan: ‘గాజు గ్లాసు’లోనే టీ తాగుతా: పవన్‌ కల్యాణ్‌ మాతృమూర్తి సంతోషం

ఇంటర్నెట్‌ డెస్క్‌: విలాసవంతమైన జీవితం గడపాల్సిన తనయుడు.. ప్రజాసేవకు కదిలి ఎందరితోనో మాటలు పడితే ఏ తల్లికైనా బాధ కలుగుతుంది. ఎన్ని సవాళ్లు ఎదురైనా కొడుకు అనుకున్నది సాధిస్తే ఆమె ఆనందం మాటల్లో వర్ణించలేనిది. ప్రస్తుతం ఈ అనుభూతినే పొందుతున్నారు నటుడు, జనసేన అధినేత పవన్‌ కల్యాణ్‌ (Pawan Kalyan) మాతృమూర్తి అంజనా దేవి (Anjana Devi). ఆమె తన సంతోషాన్ని ఓ వీడియో ద్వారా వ్యక్తం చేశారు. ఆ పార్టీ గుర్తు గాజు గ్లాసును ఉద్దేశించి ప్రత్యేకంగా మాట్లాడడం అందరినీ ఆకర్షిస్తోంది. ‘‘మా అబ్బాయి రాజకీయాల్లో విజయం అందుకోవడం చాలా ఆనందంగా ఉంది. వాడు పడ్డ కష్టానికి భగవంతుడు తగ్గ ఫలితం ఇచ్చాడు. ఈ రోజు నుంచి గాజు గ్లాసులోనే టీ తాగుతా’’ అంటూ టీని ఆస్వాదిస్తూ కనిపించారామె.

గర్వపడే రోజు ఇది: రామ్‌ చరణ్‌

హీరో రామ్‌ చరణ్‌ (Ram Charan) సోషల్‌ మీడియా వేదికగా తన బాబాయ్‌ పవన్‌కు శుభాకాంక్షలు తెలిపారు. ‘మన కుటుంబం గర్వపడే రోజు ఇది’ అంటూ జనసేనానిని ప్రశంసించారు.

నా హృదయం ఉప్పొంగుతోంది: పవన్‌ విజయంపై చిరంజీవి ఆనందం