HBD Pawan kalyan: ‘పవన్కల్యాణ్’ ఆ పేరే యువతకు మంత్రం!
తెలుగు యువతను ఈ స్థాయిలో ప్రభావితం చేసిన హీరో మరొకరు లేరంటారు పరిశ్రమ పెద్దలు. పవన్లో యువతకు అంతగా నచ్చిన అంశాలేంటి? తెలుగు యువతను ఆయనెలా ప్రభావితం చేశాడో చూద్దాం.
‘నువ్వు నందా అయితే, నేను బద్రి బద్రినాథ్ నాథ్’ ఆ ఆవేశానికి ప్రేక్షకలోకం ఫిదా అయింది. ‘నాకో తిక్కుంది, దానికో లెక్కుంది’ గబ్బర్ సింగ్లో ఆయన చెప్పిన డైలాగ్కి కుర్రకారు కేరింతలు కొట్టింది. ఇలాంటి డైలాగ్స్తోనే కాదు, పాటలు, ఫైట్లతో అభిమానులను చొక్కా ఎగరేసుకునేలా చేసిన హీరో పవన్ కల్యాణ్. ఆయన తొడిగిందే ఫ్యాషన్ అయిన రోజులున్నాయి. ఆయన మాటే శాసనంగా మారిన సందర్భాలూ ఉన్నాయి. తెలుగు యువతను ఈ స్థాయిలో ప్రభావితం చేసిన హీరో మరొకరు లేరంటారు పరిశ్రమ పెద్దలు. పవన్లో యువతకు అంతగా నచ్చిన అంశాలేంటి? తెలుగు యువతను ఆయనెలా ప్రభావితం చేశాడో చూద్దాం!
యువతను తనవైపు తిప్పుకొనే శక్తి
పవన్ కల్యాణ్ బలమే యువత. మొదటి నుంచి పాటలైనా, స్టంట్స్ అయినా, స్టైల్ అయినా పవన్ ఏది చేస్తే అది అనుసరించే అభిమానులు పెరిగిపోయారు. ‘అక్కడ అమ్మాయి ఇక్కడ అబ్బాయి’ సినిమాలో కారు టైర్ల కింద చేతులు పెట్టి చేసిన స్టంట్ను నిజంగానే చేసి చూపించారు పవన్. ఇలాంటి సాహసాలు అభిమానులకు మరింత దగ్గర చేశాయి. ‘ఖుషి’, ‘తమ్ముడు’, ‘బద్రి’ సినిమాల్లోని స్టైల్ యూత్కి నిద్ర లేకుండా చేసింది. ఆయన ఏది తొడిగితే అదే ఫ్యాషన్ అనేంతగా ఊగిపోయింది యువత. ‘బాలు’, ‘గబ్బర్సింగ్’, ‘గుడుంబా శంకర్’, ‘బంగారం’ సినిమాల్లో ఫ్యాషన్ మాత్రం సూపర్ హిట్టయింది!
పవన్ పాడితే లోకమే ఊగదా!
‘అత్తారింటికి దారేదీ’ చిత్రంలో పవన్పాడిన ‘కాటమ రాయుడా’ పాట ఎంతగా హిట్టైందో తెలిసిందే. థియేటర్లలో ప్రేక్షకులకు పూనకాలు తెప్పించిన పాటది. ఆయన పాడితే అభిమానులే కాదు, థియేటర్కొచ్చిన సాధారణ ప్రేక్షకులు కూడా గంతులేస్తారు. అంతటి పవర్ ఉంది ఆయన గాత్రానికి. అలాంటిదే ‘అజ్ఞాతవాసి’లోనూ ’కొడకా కోటేశ్వర్రావు’ పాడారు. ఇవే కాదు ఆయన సరదా సన్నివేశాల్లో పాడే జానపదాలు కూడా విపరీతంగా ఆకట్టుకుంటాయి. ‘తమ్ముడు’ చిత్రం లోని ‘ఏం పిల్లా మాటాడవా’,‘తాటి చెట్టెక్కలేవు’లాంటి జానపదాలు ఇప్పటికీ అంతే ఊపునిస్తాయి. ‘జానీ’లోని ‘నువ్వు సారా తాగుడు మానురన్నో’, ఖుషిలోని ‘బైబైయ్యే బంగారు రమణమ్మ’ లాంటి పాటలు కూడా ప్రత్యేకంగా నిలిచాయి. ఇలా గాయకుడిగానూ ఫ్యాన్స్కి పూనకాలు తెచ్చిన హీరో పవన్.
పవర్ నిండిన పోరాటాలు
మిగతా సినిమాలకు విభిన్నంగా పోరాట సన్నివేశాలుండేలా చూసుకుంటారు పవన్ కల్యాణ్. ఆయనే స్వయంగా కొన్ని సినిమాల్లో ఫైట్స్ని రూపొందించారు. ప్రతి సినిమాలో మార్షల్ ఆర్ట్స్ ఉండేలా చూసుకోవడం మరో ప్రత్యేకత. పదునైన చూపుతో, చిరుత వేగంతో చేసే ఆ ఫైట్స్ అభిమానులకు అంతులేని ఆనందాన్నిస్తాయి. ‘బద్రి’, ‘ఖుషి’, ‘తమ్ముడు’, ‘పంజా’లాంటి సినిమాలే ఇందుకు ఉదాహరణ. ఇక ‘జానీ’ సినిమాలో ఆయన రూపొందించిన ఫైట్స్ టాలీవుడ్లోనే ప్రత్యేకంగా నిలిచాయి. పోరాట సన్నివేశాలు సినిమాటిక్గా కాకుండా సహజసిద్ధంగా ఉండటమే యువతను విపరీతంగా ఆకట్టుకుంది. క్రిష్తో చేస్తున్న ‘హరిహర వీరమల్లు’ కోసం కర్రసాములో ప్రత్యేక శిక్షణ తీసుకుంటున్నారు. ‘భీమ్లా నాయక్’ లోనూ తనదైన శైలీ పోరాటాలుంటాయని వినికిడి.
గన్స్ అండ్ మోర్ గన్స్
పవన్ కల్యాణ్ను ఒప్పించాలంటే సినిమాలో తుపాకులతో పోరాటాలు ఉంటే చాలని పూరి జగన్నాథ్ ఓ ఆడియో వేడుకలో చెప్పారు. ఏ సినిమా తీసుకున్నా తుపాకుల మోతతో ఓ సన్నివేశం ఉండాల్సిందే. పవన్ కనిపించే తీరు, తుపాకీతో చేసే పోరాట ఘట్టాలు అభిమానులు చొక్కాలు చించుకునేలా ఉంటాయి. ఇక గబ్బర్సింగ్లో తుపాకీతో చేసిన హంగమా అందరికీ తెలిసిందే. భీమ్లా నాయక్లోనూ ఇవే ఆసక్తికరంగా మారనున్నాయి. పవన్ని ఆరడుగుల బుల్లెట్టు అని ఊరికే అనలేదు మరి.
కనిపిస్తే చాలు కాసుల వర్షం
‘పవన్ కల్యాణ్కి ప్రత్యేకంగా కథ అక్కర్లేదు. ఆయన తెర మీద కనిపిస్తే చాలు కాసుల వర్షం కురుస్తుంది’ ఈ మాట అన్నది ఎవరో కాదు, ‘బాహుబలి’ చిత్ర రచయిత విజేయేంద్రప్రసాద్. ఇలాంటి అభిప్రాయాలు చాలా మంది దర్శకులు వ్యక్తం చేశారు. పవన్కి ఉన్న క్రేజ్, ఆయనకున్న అభిమానగణం అలాంటిది మరి. ఆయనలా నిలబడి ఓ చూపు చూసినా, ఓ డైలాగ్ చెప్పినా చాలు బాక్సాఫీస్పై వసూళ్ల యుద్ధం జరుగుతుందని సినీ ప్రముఖులు అభిప్రాయం వ్యక్తం చేస్తారు. పుస్తకం పట్టుకున్నా, తుపాకీని తిప్పినా, చివరికి గులాబీని ముట్టుకున్నా పవర్ఫుల్గా ఉంటుందని అభిమానులు గర్వంగా చెప్పుకొనే మాట.
‘గబ్బర్సింగ్’ని ఆయనే సొంతంగా నిర్మించాలని ‘దబాంగ్’ హక్కులు తీసుకున్నారు. కానీ బండ్ల గణేశ్కి అవకాశమిచ్చారు. అది ఇండస్ట్రీ హిట్గా నిలిచింది. అలా ఫ్లాప్లున్న వారికి హిట్లిచ్చి తన పెద్ద మనసు చాటుకున్నారాయన. చిన్న సినిమాలు తీసిన సాగర్ కె.చంద్రకు ‘భీమ్లా నాయక్’ అవకాశం ఇవ్వడం కూడా సాహసమే. ఇలాంటివి ఆయన కెరీర్లో ఎన్నో ఉన్నాయి. త్వరలోనే మరో ఇద్దరు యువ దర్శకులకు సైతం అవకాశం ఇవ్వనున్నారటే టాక్ వినిపిస్తోంది. ఎప్పుడూ ఇలాగే అందరినీ అలరిస్తూ, మరెన్నో పుట్టిన రోజులు జరుపుకోవాలని కోరుకుంటూ...
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మీది తప్పు అనుకుంటే.. రిక్వెస్ట్ అనే వాడిని కాదు: హరీశ్ శంకర్
‘మిస్టర్ బచ్చన్’ సినిమా పంపిణీ వివరాలపై ఓ సినీ జర్నలిస్ట్ పెట్టిన పోస్ట్పై దర్శకుడు హరీశ్ శంకర్ స్పందించారు. -
నేను సినిమాలు చేస్తూనే ఉంటా.. మీ పని మీరు చేయండి: విశాల్ పోస్ట్
తాను సినిమాలు చేయడం మాననని నటుడు విశాల్ స్పష్టం చేశారు. ఈ మేరకు ఎక్స్లో పోస్ట్ పెట్టారు. -
ఆ మెయిల్తో వచ్చే సమాచారం మేం పంపలేదు: మంచు విష్ణు నిర్మాణ సంస్థ
24 ఫ్రేమ్స్ ఫ్యాక్టరీ పేరుతో ఫేక్ ఈ-మెయిల్ ఐడీ సృష్టించి అసత్య ప్రచారం చేస్తున్న ఘటనను ఆ చిత్ర నిర్మాణ సంస్థ ఖండించింది. -
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి
టాలీవుడ్ సీనియర్ నటి పావలా శ్యామలకు నటుడు సాయిధరమ్ తేజ్ ఆర్థికసాయం చేశారు. -
‘కల్కి 2898 ఏడీ’ మ్యూజిక్ ఇలా క్రియేట్ చేశారు: సంతోశ్ నారాయణన్ మెమొరీస్
ప్రభాస్ హీరోగా నాగ్ అశ్విన్ తెరకెక్కించిన చిత్రం ‘కల్కి 2898 ఏడీ’. దీనికి తానెలా మ్యూజిక్ అందించారో సంతోశ్ నారాయణన్ వివరించారు.
-
ఎన్నో చిత్రాల్లో చేసినా.. ‘లిల్లీ’గానే గుర్తున్నా : రష్మిక
విజయ్ దేవరకొండ - రష్మిక జంటగా నటించిన ప్రేమకథా చిత్రం ‘డియర్ కామ్రేడ్’ విడుదలై నేటికి ఐదేళ్లు. ఈసందర్భంగా రష్మిక స్పెషల్ పోస్ట్ పెట్టారు. -
ఫ్రెండ్తో వివాహం.. కీర్తి సురేశ్ ఏమన్నారంటే..?
తన పెళ్లి వార్తలపై మరోసారి స్పందించారు నటి కీర్తిసురేశ్ (Keerthy Suresh). -
అలాంటి వారికోసం సమయాన్ని వృథా చేసుకోవద్దు: పరిణితీ చోప్రా
ప్రపంచాన్ని మరిచిపోయి జీవించాలని తన అభిమానులకి జీవిత పాఠాలు చెబుతోంది పరిణితీ చోప్రా. -
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్
Double Ismart movie: రామ్ కథానాయకుడిగా నటిస్తున్న ‘డబుల్ ఇస్మార్ట్’ ఓటీటీ డీల్ పూర్తయింది. -
నిహారిక ధైర్యాన్ని మెచ్చుకోవాలి : సిద్ధూ జొన్నలగడ్డ
‘కమిటీ కుర్రోళ్లు’ (Committee Kurrollu) ట్రైలర్ విడుదల కార్యక్రమంలో సిద్ధూ జొన్నలగడ్డ పాల్గొన్నారు. -
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
యశ్ ‘టాక్సిక్’లో బాలీవుడ్ భామ.. ఆ విషయం తాను చెప్పలేదంటూ పోస్ట్
కన్నడ నటుడు యశ్ 19వ చిత్రంగా ‘టాక్సిక్’ రూపుదిద్దుకుంటోంది. మలయాళీ నటి, దర్శకురాలు గీతూమోహన్ దాస్ దీనిని తెరకెక్కిస్తున్నారు. -
ఎవరినీ కించపరచడం మా ఉద్దేశం కాదు.. ‘డబుల్ ఇస్మార్ట్’ పాటపై మణిశర్మ క్లారిటీ
‘డబుల్ ఇస్మార్ట్’ పాట వివాదంపై సంగీత దర్శకుడు మణిశర్మ క్లారిటీ ఇచ్చారు. అందులో వాడిన లిరిక్స్ ఎవరినీ కించపరచడం కోసం కాదన్నారు. -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
‘కమిటీ కుర్రోళ్ళు’ వచ్చేశారు.. ట్రైలర్ చూశారా?
యూత్ఫుల్ ఎంటర్టైనర్ ‘కమిటీ కుర్రోళ్ళు’ ట్రైలర్ శుక్రవారం విడుదలైంది
-
రైటర్గా నాని.. జోరందుకున్న ప్రచారం
‘హాయ్ నాన్న’తో ఇటీవల విజయాన్ని అందుకున్నారు నటుడు నాని. ప్రస్తుతం ఆయన తన తదుపరి సినిమా పనుల్లో బిజీగా ఉన్నారు. -
అంత డబ్బు నా వద్ద లేదు: జాన్వీకపూర్
సామాజిక మాధ్యమాల గురించి నటి జాన్వీకపూర్ (Janhvi kapoor) ఆసక్తికర వ్యాఖ్యలు చేశారు. డబ్బులిచ్చి పొగిడించుకునే మనస్థత్వం తనది కాదని చెప్పారు. -
బాబీ దేవోల్తో యుద్ధానికి సిద్ధమైన అలియా.. వైరలవుతోన్న ‘ఆల్ఫా’ అప్డేట్!
అలియా భట్ ప్రధాన పాత్రలో తెరకెక్కుతోన్న స్పై థ్రిల్లర్ ‘ఆల్ఫా’. దీనికి సంబంధించిన ఓ అప్డేట్ ప్రస్తుతం వైరల్ అవుతోంది. -
విజయ్ సేతుపతి మూవీపై కత్రినాకైఫ్ రివ్యూ
విజయ్ సేతుపతి (Vijay Sethupathi) ప్రధాన పాత్రలో నటించిన ‘మహారాజ’పై కత్రినాకైఫ్ తన అభిప్రాయాన్ని తెలియజేశారు. -
ఆ ప్రాజెక్ట్కు ఓకే చెప్పినందుకు బాధపడ్డా: టబు
నటి టబు తాజాగా ఓ ఇంటర్వ్యూలో పాల్గొన్నారు. తన కెరీర్ గురించి ఆసక్తికర వ్యాఖ్యలు చేశారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
మీది తప్పు అనుకుంటే.. రిక్వెస్ట్ అనే వాడిని కాదు: హరీశ్ శంకర్
-
‘వాట్సప్’ భారత్లో సేవలు నిలిపివేయదు: కేంద్రం స్పష్టీకరణ
-
ఆక్స్ఫర్డ్ యూనివర్శిటీ ఛాన్సలర్ పదవికి ఇమ్రాన్ ఖాన్ పోటీ!
-
ఈనాడు.నెట్లో టాప్ 10 వార్తలు @ 9 PM
-
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
-
ఆమెకు క్యాబ్ ఖర్చే ₹16 వేలట.. మరి కారే కొనుక్కోవచ్చుగా..!