RT75: మరోసారి అలరించేందుకు సిద్ధమైన ‘ధమాకా’ జోడి..

ఇంటర్నెట్‌ డెస్క్‌: ‘ధమాకా’తో సందడి చేసిన రవితేజ-శ్రీలీల జోడి ఇప్పుడు మరోసారి రిపీట్‌ కానుంది. రవితేజ (Ravi Teja) హీరోగా కొత్త దర్శకుడు భాను భోగవరపు ఓ సినిమాను తెరకెక్కించనున్నట్లు ప్రకటించిన సంగతి తెలిసిందే. ‘RT75’తో అది ప్రచారంలో ఉంది. ఈ సినిమా నేడు పూజా కార్యక్రమాలతో మొదలైంది. శ్రీలీల (Sreeleela) క్లాప్‌ కొట్టి రెగ్యులర్‌ షూటింగ్‌ను ప్రారంభించారు. ఈ ఫొటోలు ప్రస్తుతం సోషల్‌ మీడియాలో షేర్‌ అవుతున్నాయి.

రవితేజ నటిస్తున్న 75వ సినిమా కావడంతో ఈ సినిమా ఆయనకు ప్రత్యేకం కానుంది. సితార ఎంటర్‌టైన్‌మెంట్స్‌ సంస్థ నిర్మిస్తున్న ఈ చిత్రం వచ్చే ఏడాది సంక్రాంతికి ప్రేక్షకుల ముందుకురానుంది. ఈ సినిమాను ప్రకటించినప్పుడే దీని గురించి రవితేజ పోస్ట్‌ పెడుతూ ‘ధూమ్‌ ధామ్‌ దావత్‌’ గ్యారంటీ అని పేర్కొన్నారు. దీంతో ఇందులో ఆయన మరోసారి మాస్‌ మహారాజ్‌లా కనిపిస్తారా అని అభిమానులు అనుకుంటున్నారు. ఈ సినిమాకు దర్శకత్వం వహిస్తున్న భాను భోగవరపు గతంలో చిరంజీవి హీరోగా వచ్చిన ‘వాల్తేరు వీరయ్య’కు మాటల రచయితగా పని చేశారు. ఈ మూవీకి భీమ్స్‌ సిసిరోలియో సంగీతం అందిస్తున్నారు. దీనితో పాటు రవితేజ.. గోపిచంద్‌ మలినేని దర్శకత్వంలో ఓ సినిమా (RT4GM) చేస్తున్నారు. వీళ్లిద్దరి కాంబోలో రానున్న నాలుగో చిత్రమిది. 

సోనాక్షి పెళ్లి రూమర్స్‌.. స్పందించిన శతృఘ్న సిన్హా