Salaar: ‘సలార్‌’ నుంచి క్రేజీ అప్‌డేట్‌.. ప్రభాస్‌ లుక్‌కు ఫ్యాన్స్‌ ఫిదా.!

హైదరాబాద్‌: స్టార్‌ హీరో ప్రభాస్‌ (Prabhas), దర్శకుడు ప్రశాంత్‌ నీల్‌ (Prasanth neel) కాంబినేషన్‌లో తెరకెక్కుతోన్న చిత్రం ‘సలార్‌ పార్ట్‌1 సీజ్‌ ఫైర్‌’ (Salaar). యాక్షన్‌ థ్రిల్లర్‌గా దీనిని తీర్చిదిద్దుతున్నారు. క్రిస్మస్‌ కానుకగా డిసెంబర్‌ 22న ఇది విడుదల కానుంది. ఈ నేపథ్యంలోనే దీపావళి పర్వదినాన్ని పురస్కరించుకుని ఆదివారం ఉదయం ఓ క్రేజీ అప్‌డేట్‌ విడుదలైంది. ఈ మేరకు ట్రైలర్‌ రిలీజ్‌ టైమ్‌ను టీమ్‌ ప్రకటించింది. దీని ప్రకారం డిసెంబర్‌ 1వ తేదీ రాత్రి 7.19 గంటలకు విడుదల చేయనున్నారు. ఈ విషయాన్ని తెలియజేస్తూ సినిమా నుంచి ఓ కొత్త పోస్టర్‌ రిలీజ్‌ చేశారు. ఇందులో ప్రభాస్‌ ఓ వాహనంపై నిల్చొచి గన్‌ ఫైర్‌ చేస్తూ కనిపించారు. ప్రస్తుతం ఇది నెటిజన్ల దృష్టిని ఆకర్షిస్తోంది. ప్రభాస్‌ లుక్ పోస్టర్‌కు అభిమానులు ఫిదా అవుతున్నారు. హొంబలే ఫిల్మ్స్‌ పతాకంపై ఇది నిర్మితమవుతోంది. శ్రుతిహాసన్‌, పృథ్వీరాజ్‌ సుకుమారన్‌, జగపతిబాబు కీలకపాత్రల్లో కనిపించనున్నారు.