Salaar: సందడి మొదలు కానుందా?

పలు వాయిదాల తర్వాత ఇటీవలే డిసెంబరు 22న అంటూ విడుదల తేదీని ఖరారు చేసింది ‘సలార్‌’ చిత్ర బృందం. అయితే తేదీ దగ్గర పడుతున్నా ప్రచార కార్యక్రమాలు మాత్రం ఊపందుకోలేదు. దీంతో మరోసారి ఈ సినిమా విడుదలపై అనుమానాలు వ్యక్తం అయ్యాయి. వాటికి తెర దించుతూ ట్రైలర్‌ విడుదలకి సిద్ధమైంది చిత్రబృందం. డిసెంబరు 1న ట్రైలర్‌ విడుదల చేయాలని నిర్ణయించినట్టు తెలుస్తోంది. ఆ మేరకు ఏర్పాట్లు చేసుకొంటోంది. ప్రభాస్‌ కథానాయకుడిగా... ప్రశాంత్‌ నీల్‌ దర్శకత్వంలో తెరకెక్కుతున్న చిత్రమిది. పాన్‌ ఇండియా స్థాయిలో ప్రేక్షకుల ముందుకు వస్తున్న ఈ సినిమాలో ప్రభాస్‌కి జోడీగా శ్రుతిహాసన్‌ నటించారు. పృథ్వీరాజ్‌ సుకుమారన్‌ ప్రతినాయకుడిగా నటించారు.