Shakeela: షకీలాపై పెంపుడు కుమార్తె దాడి.. పోలీసులను ఆశ్రయించిన నటి

చెన్నై: నటి షకీలా(Shakeela)కు చేదు అనుభవం ఎదురైంది. పెంపుడు కుమార్తె శీతల్‌ ఆమెపై దాడి చేసింది. ఈ మేరకు షకీలా పోలీసులకు ఫిర్యాదు చేసింది. కుటుంబ వ్యవహారాల విషయంలో మనస్పర్థలు తలెత్తడంతో శీతల్‌ నిన్న ఉదయం ఇంటి నుంచి వెళ్లిపోయింది. చర్చించుకునేందుకు రమ్మని పిలిస్తే తన తల్లిని వెంటపెట్టుకుని వచ్చిందని.. నచ్చ జెప్పడానికి ప్రయత్నించినప్పటికీ ఆగ్రహంతో దాడికి పాల్పడిందని షకీలా ఫిర్యాదులో పేర్కొంది. ఘర్షణ జరిగిన సమయంలో అక్కడే ఉన్న మహిళా న్యాయవాదితో శీతల్‌ తల్లి విచక్షణారహితంగా ప్రవర్తించిందని తెలిపింది. మరోవైపు, అదే పోలీస్‌ స్టేషన్‌లో షకీలాపై శీతల్‌ ఫిర్యాదు చేసింది. ఇరువురి ఫిర్యాదులు స్వీకరించిన పోలీసులు సీసీటీవీ ఫుటేజ్‌ ఆధారంగా చేసుకుని కేసు నమోదు చేస్తామని తెలిపారు. శీతల్‌.. షకీలా అన్న కుమార్తే కావడం గమనార్హం.