skanda ott: ఓటీటీలో ‘స్కంద’ స్ట్రీమింగ్‌ తేదీ మారింది.. కొత్త డేట్‌ ఎప్పుడంటే?

హైదరాబాద్‌: మాస్ సినిమాల‌కి పెట్టింది పేరు... బోయ‌పాటి శ్రీను. ఆయ‌న ద‌ర్శ‌క‌త్వంలో రామ్ కథానాయకుడిగా నటించిన చిత్రం ‘స్కంద’ (skanda ott release date). శ్రీలీల కథానాయిక. ఇటీవల ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద మిశ్రమ స్పందనలు అందుకుంది. తాజాగా ఓటీటీలో విడుదలయ్యేందుకు సిద్ధమైంది. అక్టోబరు 27వ తేదీ నుంచి ప్రముఖ ఓటీటీ వేదిక డిస్నీ+హాట్‌స్టార్‌ వేదికగా స్ట్రీమింగ్‌కు తీసుకురావాలని అనుకున్నారు. కానీ, సాంకేతిక కారణాల వల్ల ఇప్పుడు నవంబరు 2వ తేదీ నుంచి అందుబాటులోకి తెస్తున్నారు. ఈ విషయాన్ని తెలియజేస్తూ డిస్నీ+హాట్‌స్టార్‌ కొత్త పోస్టర్‌ను పంచుకుంది. తెలుగుతో పాటు, తమిళ, కన్నడ, మలయాళ, హిందీ భాషల్లో ‘స్కంద’ అందుబాటులోకి రానుంది.

క‌థేంటంటే: పెళ్లిపీట‌ల‌పై కూర్చున్న ఆంధ్ర‌ప్ర‌దేశ్ సీఎం కూతురిని... తెలంగాణ సీఎం అబ్బాయి వ‌చ్చి తీసుకెళ‌తాడు. దాంతో ఇద్ద‌రి సీఎంల మ‌ధ్య వైరం మొద‌ల‌వుతుంది. ఒక‌రినొక‌రు అంతం చేసుకునే వ‌ర‌కూ వెళుతుంది. ఆంధ్రా సీఎం ఓ యువ‌కుడిని రంగంలోకి దింపుతాడు. అత‌ను మామూలోడు కాదు. ఎవ్వ‌రినైనా ఎదిరించి అనుకున్న‌ది సాధించే ర‌కం. ఆ యువ‌కుడు క‌ట్టుదిట్ట‌మైన భ‌ద్ర‌త‌ని కాద‌ని తెలంగాణ సీఎం ఇంట్లోకి అడుగు పెట్టాడా? ఇద్ద‌రు ముఖ్య‌మంత్రుల కూతుళ్ల‌నీ కిడ్నాప్ చేసి రుద్ర‌రాజ‌పురం తీసుకెళ్లిన యువ‌కుడు (రామ్‌) ఎవ‌రు? ఇంత‌కీ ఆ ఊళ్లో ఎవ‌రున్నారు? ఈ కిడ్నాప్‌ల‌కీ క్రౌన్ గ్రూప్‌ కంపెనీస్ అధినేత రామ‌కృష్ణంరాజు (శ్రీకాంత్‌)కీ మ‌ధ్య సంబంధం ఏమిటి? త‌దిత‌ర విష‌యాలు తెలియాలంటే సినిమా చూడాల్సిందే.

‘స్కంద’ పూర్తి రివ్యూ కోసం క్లిక్‌ చేయండి