Minnal Murali Movie review: రివ్యూ: మిన్నల్ మురళి
Minnal Murali Movie review: టొవినో థామస్ కీలక పాత్రలో నటించిన ‘మిన్నల్ మురళి’ ఎలా ఉందంటే?
చిత్రం: మిన్నల్ మురళి; నటీనటులు: టొవినో థామస్,గురు సోమసుందరం, అజు వర్గీస్, సాజన్ తదితరులు; సంగీతం: సుశీన్ శ్యామ్, షాన్ రెహమాన్; సినిమాటోగ్రఫీ: సమీర్ తాహిర్; ఎడిటింగ్: లివింగ్స్టోన్ మాథ్యూ; రచన: అరుణ్ అనిరుధన్, జస్టిస్ మాథ్యూ; దర్శకత్వం: బాసిల్ జోసెఫ్; విడుదల: నెట్ఫ్లిక్స్
సూపర్మ్యాన్, బ్యాట్మెన్, స్పైడర్ మ్యాన్ ఇలా సూపర్హీరోస్ అందరూ హాలీవుడ్లోనూ ఉన్నారు. ప్రపంచవ్యాప్తంగా ఆ సినిమాలకు ఉండే క్రేజ్ గురించి ప్రత్యేకంగా చెప్సాల్సిన పనిలేదు. ఇక భారత్లో సూపర్ హీరో పాత్రలు చాలా తక్కువ. మాస్ కమర్షియల్ సినిమాలకే ఇక్కడ ప్రేక్షకులు పట్టం కడతారు. అయితే, వైవిధ్య కథా చిత్రాలతో ప్రేక్షకులను అలరిస్తోంది మలయాళ చిత్ర పరిశ్రమ. అలా వచ్చిన చిత్రమే ‘మిన్నల్ మురళి’. మలయాళంలో ప్రయోగాత్మక చిత్రాలంటే గుర్తొచ్చే యువ నటుడు టొవినో థామస్ నటించిన చిత్రమిది. మరి ‘మిన్నల్ మురళి కథేంటి? సూపర్ హీరో ఎలా అయ్యాడు?(minnal murali telugu movie review)
కథేంటంటే: ఉరవకొండ గ్రామంలో నివసించే జేసన్ (టొవినో థామస్)(Tovino Thomas) ఓ టైలర్. ఎప్పటికైనా అమెరికా వెళ్లాలని అందుకు సంబంధించిన ప్రయత్నాలు చేస్తుంటాడు. పోలీస్ ఆఫీసర్ కూతురిని ప్రేమించి విఫలమవుతాడు. అదే ఊళ్లో చిన్న హోటల్లో పని చేస్తుంటాడు శిబు (గురు సోమసుందరం). ఒకరోజు అనుకోకుండా వీరిద్దరూ మెరుపు దాడికి గురవుతారు. దీంతో ఇద్దరికీ ఊహించని శక్తులు వస్తాయి. ఆ శక్తులను వాళ్లు ఎలా గుర్తించారు? వాటిని ఎలా ఉపయోగించారు? వీరి శక్తుల కారణంగా ఆ గ్రామ ప్రజలు ఎలా ఇబ్బందులు పడ్డారు? పరిస్థితులు వీళ్లను ఎలా మార్చాయి? అన్నది తెలియాలంటే సినిమా చూడాల్సిందే.
ఎలా ఉందంటే: వెండితెరపై కనిపించే సూపర్ హీరోలు, వాళ్లకు ఉండే శక్తుల గురించి ప్రత్యేకంగా చెప్పాల్సిన పనిలేదు. మార్వెల్, డీసీ కామిక్స్ ద్వారా ఎందరో సూపర్ హీరోలు ప్రపంచానికి పరిచయం అయ్యారు. అయితే, భారతీయ తెరపై సూపర్ హీరోలు పాత్రలు చాలా తక్కువ. మార్వెల్ సూపర్హీరో తరహాలో ఇక్కడి ప్రేక్షకులకు ఒక సూపర్ హీరో ఉంటే ఎలా ఉంటుంది? అన్న ఆలోచన నుంచి పుట్టిందే ఈ ‘మిన్నల్ మురళి’. అరుణ్ అనిరుధన్, జస్టిన్ మాథ్యూల సూపర్హీరో కథను భారతీయ నేటివిటీకి దగ్గరగా తెరకెక్కించడంలో దర్శకుడు బాసిల్ జోసెఫ్ విజయవంతమయ్యారు. ఇటు జేసన్, అటు శిబు పాత్రలను పరిచయం చేస్తూ త్వరగానే కథలోకి తీసుకెళ్లిపోయారు. ఇద్దరూ మెరుపుదాడికి గురైన తర్వాత తమకు శక్తులు వచ్చాయని గుర్తించటం, వాటిని ఉపయోగించడం సరదాగా అనిపిస్తుంది. తన శక్తులను పరీక్షించుకునేందుకు జేసన్ చేసే ప్రయత్నాలు నవ్వులు పూయిస్తాయి. సూపర్హీరో కథ కాబట్టి దర్శకుడు కూడా నేలవిడిచి సాము చేయలేదు. బడ్జెట్, భారతీయ నేటివిటికీ దగ్గరగా సన్నివేశాలను తీర్చిదిద్దిన విధానం మెప్పిస్తుంది.
సాధారణంగా డీసీ కామిక్స్లో విలన్స్ వికృత రూపాల్లో, అత్యంత శక్తిమంతులుగా కనిపిస్తారు. కానీ, ‘మిన్నల్ మురళి’లో జేసన్, శిబులకు ఎదురయ్యే పరిస్థితులే ప్రధాన శత్రువులు. అవే వారిని ప్రభావితం చేస్తాయి. ముఖ్యంగా శిబు తనకు ఎదురయ్యే సవాళ్లను తప్పించుకునేందుకు జేసన్ను బలి చేయాలనుకోవటం ఆసక్తికరంగా అనిపిస్తుంది. తనని ఎవరు టార్గెట్ చేశారన్న విషయాన్ని తెలుసుకునేందుకు జేసన్ చేసే ప్రయత్నాలు ఉత్కంఠగా సాగుతాయి. ఈ రెండు పాత్రల మధ్య సంఘర్షణ సృష్టించి ఆద్యంతం ఆసక్తి కలిగించేలా కథను తీర్చిదిద్దాడు దర్శకుడు. అయితే, ప్రథమార్ధంలో కథా గమనం నెమ్మదిగా సాగడం కాస్త ఇబ్బందికరంగా ఉంటుంది. చివరి 40 నిమిషాలు సినిమా పరుగులు పెట్టినా, ప్రేక్షకుడి ఊహకు తగినట్లే సన్నివేశాలు సాగుతాయి. పతాక సన్నివేశాలు భావోద్వేగాన్ని కలిగిస్తాయి.
ఎవరెలా చేశారంటే: మలయాళంలో ఉన్న విలక్షణ నటుల్లో టొవినో థామస్ ఒకడు. ఇప్పటివరకూ అతడు నటించిన చిత్రాల్లో అత్యధిక భాగం ప్రయోగాలే. భారతీయ చిత్ర పరిశ్రమలో ‘మిన్నల్ మురళి’ సరికొత్త ప్రయోగం. సూపర్హీరో పాత్రలో టొవినో అదరగొట్టాడు. ఇక ఈ సినిమాలో ముఖ్యంగా చెప్పుకోవాల్సిన పాత్ర గురు సోమసుందరం. శిబు పాత్రలో ఆయన నటన, పలికించిన హావభావాలు అద్భుతం. ఎన్ని శక్తులు ఉన్నా విధిని ఎదిరించి నిలబడటం ఎవరికీ సాధ్యం కాదన్నది శిబు పాత్ర ద్వారా చూపించారు. మిగిలిన వాళ్లు తమ పరిధి మేరకు నటించారు. సాంకేతికంగా సినిమా బాగుంది. సుశీన్ నేపథ్య సంగీతం, సమీర్ సినిమాటోగ్రఫీని మెచ్చుకోవాల్సిందే. ఎడిటర్ లివింగ్స్టన్ సినిమాను ఇంకాస్త ట్రిమ్ చేయాల్సింది. ముఖ్యంగా ప్రథమార్ధంలో కొన్ని సన్నివేశాలకు కత్తెర వేయవచ్చు. దర్శకుడు బాసిల్ జోసెఫ్ ఓ సరికొత్త హీరోను భారతీయ చిత్ర పరిశ్రమకు పరిచయం చేయడంలో విజయం సాధించారు. జేసన్, శిబు పాత్రలను తీర్చిదిద్దిన విధానం, తెరపై వారి పాత్రల మధ్య చోటు చేసుకునే సంఘర్షణ చాలా చక్కగా తీశారు. సీక్వెల్ తెరకెక్కించేలా ముగింపు ఇవ్వడం గమనార్హం. ఈ వీకెండ్ కుటుంబంతో కలిసి సినిమా చూడాలనుకుంటే ‘మిన్నల్ మురళి’ నెట్ఫ్లిక్స్లో ఉన్న బెస్ట్ ఆప్షన్.
బలాలు
+ టొవినో థామస్, గురు సోమ సుందర్ల నటన
+ కథ, దర్శకత్వం
+ ద్వితీయార్ధం
బలహీనతలు
- నెమ్మదిగా సాగే ప్రథమార్ధం
చివరిగా: ‘మిన్నల్ మురళి’ ఎంటర్టైన్ చేసే ఇండియన్ సూపర్ హీరో!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా? -
Shaitaan Movie Review: రివ్యూ: షైతాన్.. మాధవన్ నెగెటివ్ షేడ్స్లో నటించిన మూవీ మెప్పించిందా?
Shaitaan Movie Review: అజయ్ దేవ్గణ్, జ్యోతిక, మాధవన్ కీలక పాత్రల్లో నటించిన మూవీ ఎలా ఉంది? -
Breathe Review: రివ్యూ: బ్రీత్.. నందమూరి చైతన్య కృష్ణ హీరోగా నటించిన సినిమా ఎలా ఉందంటే?
Breathe telugu movie Review: నందమూరి చైతన్య కృష్ణ హీరోగా పరిచయమైన సినిమా ‘బ్రీత్’. వైద్యో నారాయణో హరి అనేది ఉపశీర్షిక. ఓటీటీ ‘ఆహా’లో స్ట్రీమింగ్ అవుతోన్న ఈ చిత్రం ఎలా ఉందంటే? -
Bhimaa movie review: రివ్యూ: భీమా.. గోపిచంద్ ఖాతాలో హిట్ పడిందా?
Bhimaa movie review: యాక్షన్ హీరోగా పేరుతెచ్చుకున్న గోపిచంద్ కీలక పాత్రలో నటించిన ‘భీమా’ మూవీ మెప్పించిందా? -
Gaami review: విశ్వక్సేన్ నటించిన ‘గామి’ ఎలా ఉందంటే..!
అఘోరాగా విశ్వక్సేన్ నటించిన చిత్రం ‘గామి’. మరి ఈ పాత్రలో విశ్వక్ భయపెట్టాడో.. లేదో తెలుసుకుందాం. -
Premalu Movie Review: రివ్యూ: ప్రేమలు.. మలయాళ బ్లాక్బస్టర్ తెలుగులో ఎలా ఉంది?
Premalu Movie Review: మలయాళంలో ఘన విజయం సాధించిన ‘ప్రేమలు’ తెలుగులోనూ అదే పేరుతో ప్రేక్షకుల ముందుకు వచ్చింది. మరి ఈ సినిమా ఇక్కడి ప్రేక్షకులను మెప్పించిందా? -
Valari Review: రివ్యూ: వళరి.. రితికా సింగ్ నటించిన హారర్ మూవీ ఎలా ఉందంటే?
Valari Review: రితికా సింగ్ నటించిన హారర్ చిత్రం ‘వళరి’. నేరుగా ప్రముఖ ఓటీటీ ‘ఈటీవీ విన్’లో విడుదలైన ఈ సినిమా ఎలా ఉందంటే? -
The Indrani Mukerjea Story: రివ్యూ: ‘ది ఇంద్రాణీ ముఖర్జియా స్టోరీ’.. షీనా బోరా హత్య కేసుపై డాక్యుమెంటరీ
షీనా బోరా హత్య కేసుపై రూపొందిన డాక్యుమెంటరీ సిరీస్ ‘ది ఇంద్రాణీ ముఖర్జియా స్టోరీ’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. -
Bhoothaddam Bhaskar Narayana Review: రివ్యూ: భూతద్దం భాస్కర్ నారాయణ.. థ్రిల్ పంచాడా?
Bhoothaddam Bhaskar Narayana Review: శివ కందుకూరి కీలక పాత్రలో నటించిన మిస్టరీ థ్రిల్లర్ ‘భూతద్దం భాస్కర్ నారాయణ’ ఎలా ఉంది? ప్రేక్షకులకు థ్రిల్ పంచిందా? -
Operation Valentine Review: రివ్యూ: ఆపరేషన్ వాలెంటైన్.. వరుణ్ ఖాతాలో హిట్ పడిందా?
Operation Valentine Review in telugu: పుల్వామా ఉగ్రదాడి నేపథ్యంలో వరుణ్ తేజ్ కీలక పాత్రలో శక్తి ప్రతాప్ సింగ్ దర్శకత్వం వహించిన ‘ఆపరేషన్ వాలెంటైన్’ మెప్పించిందా? -
Malaikottai Vaaliban: రివ్యూ: మలైకోటై వాలిబన్.. మోహన్లాల్ నటించిన పీరియాడికల్ చిత్రం ఎలా ఉందంటే?
మలయాళ నటుడు మోహన్లాల్ నటించిన తాజా చిత్రం ‘మలైకోటై వాలిబన్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతున్న ఈ సినిమా ఎలా ఉందంటే? -
siddharth roy movie review: రివ్యూ: సిద్ధార్థ్ రాయ్.. దీపక్ సరోజ్ నటించిన మూవీ ఎలా ఉంది?
siddharth roy movie review: ప్రచార చిత్రాలతో ఆసక్తిని పెంచిన ‘సిద్ధార్థ్ రాయ్’ ప్రేక్షకులను మెప్పించిందా? లేదా?
తాజా వార్తలు (Latest News)
-
నాటో దేశాలపై దాడి చేయం.. ఎఫ్-16లను మాత్రం కూల్చివేస్తాం: పుతిన్
-
రసవత్తరంగా సాగుతున్న మెగా లీగ్.. తొలి రోజు వీక్షణల్లోనూ రికార్డే
-
ఈడీ విచారణను ఎదుర్కొంటా.. కోర్టులో కేజ్రీవాల్ స్వీయ వాదనలు
-
అనుపమ బాధపడటానికి కారణమదే: సిద్ధు జొన్నలగడ్డ
-
ఫోన్ ట్యాపింగ్ కేసు.. పోలీసుల అదుపులో మరో ఇద్దరు
-
మ్యూచువల్ ఫండ్స్లో మదుపు చేస్తున్నారా? రీకేవైసీకి మార్చి 31 డెడ్లైన్!