Chandrababu: తెదేపా ఎంపీలతో సమావేశం కానున్న చంద్రబాబు

అమరావతి: తెదేపా అధినేత చంద్రబాబు శుక్రవారం మరోసారి దిల్లీకి వెళ్లనున్నారు. శుక్రవారం జరిగే ఎన్డీయే సమావేశంలో పాల్గొననున్నారు. కేంద్ర మంత్రివర్గ కూర్పుపై చర్చించనున్న నేపథ్యంలో గురువారం పార్టీ ఎంపీలతో చంద్రబాబు సమావేశం కానున్నారు. ఉండవల్లిలోని నివాసానికి రావాలని వారికి సూచించారు. మోదీ ప్రమాణస్వీకారానికి హాజరు కావాలని ఇప్పటికే తెదేపా ఎంపీలకు ఆహ్వానాలు అందాయి. లోక్‌సభ ఎన్నికల్లో తెదేపా 16 ఎంపీ స్థానాలు గెలుచుకొని ఎన్డీయే కూటమిలో కీలకంగా మారింది. మరోవైపు చంద్రబాబు ఇంటి వద్ద భద్రత పెంచారు. ఇద్దరు గుంటూరు జిల్లా ఏఎస్పీల ఆధ్వర్యంలో భద్రతా చర్యలు చేపట్టారు. చంద్రబాబును కలిసేందుకు ఎమ్మెల్యేలు, ఎంపీలు, అధికారులు తరలివస్తున్నారు.