CPI Narayana: పొత్తులపై తెదేపా ఊగిసలాట వీడాలి: సీపీఐ నేత నారాయణ

దిల్లీ: పొత్తుల విషయంలో తెదేపా ఊగిసలాట వీడాలని సీపీఐ సీనియర్‌ నేత నారాయణ సూచించారు. ఏపీలో వైకాపా, భాజపా కలిసే ఉన్నాయని.. ఇప్పటికైనా తెదేపా మేల్కొని ఆ రెండు పార్టీలకు వ్యతిరేకంగా కొత్త కూటమి ఏర్పాటు చేయాలన్నారు. దిల్లీలో నారాయణ మీడియాతో మాట్లాడారు. తితిదే పాలకమండలిలో మద్యం వ్యాపారులకు చోటివ్వడం సరికాదని చెప్పారు. 

తెదేపా ‘ఇసుక సత్యాగ్రహం’.. దేవినేని ఉమా సహా పలువురు ముఖ్య నేతల అరెస్ట్

‘‘వైకాపా, భాజపా లివింగ్‌ టుగెదర్‌.. వాళ్లేమీ విడిపోరు. ఏపీలో భాజపా ఎంత కొట్లాడినా వైకాపాను ఓడించే పరిస్థితికి పోదు. రాష్ట్రానికి అన్నివిధాలుగా నష్టం చేసిన భాజపాకు తెదేపా ప్రత్యక్షంగా, పరోక్షంగా సహకారం అందించడం మంచిది కాదు. సీపీఐ, సీపీఎం, జనసేనతో తెదేపా ఓ ఫ్రంట్‌ ఏర్పాటు చేయగలిగితే వైకాపా, భాజపా డబుల్‌ ఇంజిన్‌ ఫెయిల్‌ అవుతుంది. అది రాష్ట్రానికి ఉపయోగపడుతుంది’’ అని నారాయణ వ్యాఖ్యానించారు.