CPI Ramakrishna: ఉద్యోగులకు తక్షణమే బకాయిలు చెల్లించండి: సీపీఐ రామకృష్ణ

అమరావతి: ఏపీ సీఎస్‌ కేఎస్‌ జవహర్‌రెడ్డికి సీపీఐ రాష్ట్ర కార్యదర్శి రామకృష్ణ లేఖ రాశారు. ఉపాధ్యాయులు, ఉద్యోగులకు రాష్ట్ర ప్రభుత్వం చెల్లించాల్సిన బకాయిలను తక్షణమే చెల్లించాలని ఆయన డిమాండ్‌ చేశారు. 

‘‘రాష్ట్రవ్యాప్తంగా ఉన్న 2 లక్షల మంది ఉపాధ్యాయులకు దాదాపు రూ.800 కోట్లు జగన్ ప్రభుత్వం చెల్లించాల్సి ఉంది. ఉద్యోగులకు 2022 జులై నుంచి ఇవ్వాల్సిన డీఏను 2024లో మూడు విడతల్లో చెల్లిస్తామని ప్రభుత్వం చెప్పటం దుర్మార్గం. తమ బకాయిలు చెల్లించాలని కోరుతూ ఉపాధ్యాయులు ఆందోళన బాట పట్టారు. సీపీఎస్‌ రద్దు విషయంలో కూడా ఉద్యోగులు, ఉపాధ్యాయులకు అన్యాయం జరిగింది’’ అని రామకృష్ణ తన లేఖలో పేర్కొన్నారు.