Chandrababu-DK Sivakumar: తెదేపా అధినేత చంద్రబాబుతో డీకే శివకుమార్‌ మాటామంతీ..!

బెంగళూరు: తెలుగుదేశం పార్టీ (TDP) అధినేత చంద్రబాబు నాయుడు (Chandrababu), కర్ణాటక ఉప ముఖ్యమంత్రి డీకే శివకుమార్‌ (DK Sivakumar)లు గురువారం బెంగళూరు విమానాశ్రయంలో పరస్పరం ఎదురుపడ్డారు. కుప్పం వెళ్లేందుకు చంద్రబాబు హైదరాబాద్‌ నుంచి బెంగళూరు వెళ్లగా.. అదే సమయంలో కాంగ్రెస్‌ ఆవిర్భావ సభ కోసం నాగ్‌పుర్‌ వెళ్లేందుకు డీకే శివకుమార్‌ విమానాశ్రయానికి వచ్చారు. రెండు విమానాలు పక్కపక్కనే ఉండి.. పరస్పరం ఎదురుకావడంతో ఇద్దరు నేతలు మర్యాదపూర్వకంగా కరచాలనం చేసుకున్నారు. డీకే శివకుమార్‌.. చంద్రబాబును పక్కకు తీసుకెళ్లి కాసేపు ముచ్చటించారు. ఇద్దరు నేతలు మర్యాదపూర్వకంగానే కలిశారని, ఎలాంటి రాజకీయ ప్రాధాన్యత లేదని తెలుగుదేశం వర్గాలు వెల్లడించాయి.