Harish Rao: హామీలపై నిలదీస్తే అసహనమెందుకు?: హరీశ్‌రావు

హైదరాబాద్‌: హామీలపై నిలదీస్తే సీఎం రేవంత్‌రెడ్డి అసహనంతో మాట్లాడుతున్నారని మాజీ మంత్రి హారీశ్‌రావు విమర్శించారు. సీఎం స్థాయిలో ఉన్న వ్యక్తి .. హోదాకు తగ్గట్టు మాట్లాడటం లేదని అన్నారు. సింగూరు జలాలను మెదక్‌కు దక్కేలా చేసింది కేసీఆరేనని చెప్పారు. పార్టీ మారితే వెంటనే అనర్హత వేటు వేయాలని కాంగ్రెస్‌ అగ్రనేత రాహుల్ గాంధీ చెబుతుంటే.. రేవంత్‌ రెడ్డి మాత్రం పార్టీ ఫిరాయింపులను ప్రోత్సహిస్తున్నారని ఆరోపించారు. ‘‘వెంకట్రామిరెడ్డి వేల ఎకరాలు లాక్కున్నారని అంటున్నారు. భూ సేకరణ చేస్తేనే లక్షల ఎకరాలకు నీరు అందుతోంది. రేవంత్‌ రెడ్డి తన పదవి కోసం ఎవరినైనా తొక్కుతారు’’ అని హరీశ్‌రావు విమర్శించారు.