షర్మిలకు ఎన్నికల సంఘం నోటీసు

ఈనాడు, అమరావతి: రాష్ట్ర కాంగ్రెస్‌ అధ్యక్షురాలు షర్మిలకు ఎన్నికల సంఘం శుక్రవారం నోటీసు జారీ చేసింది. ఎన్నికల ప్రచారంలో ఆమె వివేకా హత్యను ప్రస్తావించి వైకాపాపై అనుచిత వ్యాఖ్యలు చేశారని ఆ పార్టీ నేతలు అవినాష్‌రెడ్డి, మల్లాది విష్ణు, వివేకా హత్య కేసులో అప్రూవర్‌ దస్తగిరి ఎన్నికల సంఘానికి వేర్వేరుగా ఫిర్యాదు చేశారు. ఎన్నికల ప్రవర్తనా నియమావళి ఉల్లంఘించిన షర్మిలపై చర్యలు తీసుకోవాలని విజ్ఞప్తి చేశారు. ఈ మేరకు నోటీసు జారీ చేసిన ఎన్నికల సంఘం 48 గంటల్లోగా వివరణ ఇవ్వాలని షర్మిలకు సూచించింది. లేదంటే చర్యలు తీసుకుంటామని స్పష్టం చేసింది.