ప్రజాస్వామ్యాన్ని, రాజ్యాంగాన్ని రక్షించే ఎన్నికలివి: సోనియా

దిల్లీ: ప్రజాస్వామ్యాన్ని, రాజ్యాంగాన్ని రక్షించడానికి ప్రస్తుత ఎన్నికలు ఎంతో ముఖ్యమైనవని కాంగ్రెస్‌ పార్లమెంటరీ పార్టీ ఛైర్‌పర్సన్‌ సోనియాగాంధీ పేర్కొన్నారు. ఈ మేరకు గురువారం వీడియో సందేశం వెలువరించారు. ఈ పోరాటంలో ప్రజలు తమవంతు పాత్ర పోషించాలని, దిల్లీలోని ఏడు స్థానాల్లోనూ ఇండియా కూటమిని గెలిపించాలని కోరారు. నిరుద్యోగం, ద్రవ్యోల్బణం, వ్యవస్థలపై దాడి గురించి ఎన్నికల్లో పోరాడుతున్నామని చెప్పారు. కాంగ్రెస్‌ ప్రధాన కార్యదర్శి ప్రియాంకా గాంధీ హరియాణాలోని సిర్సాలో మాట్లాడుతూ- నిరుద్యోగం, అవినీతి, ద్రవ్యోల్బణాలకు భాజపా సర్కారే కారణమని విమర్శించారు.