అధికారం ఒకరిద్దరి చేతుల్లో ఉండకుండా ప్రజల ఓటు

-శరద్‌ పవార్‌ వ్యాఖ్య

పుణె: అధికారం ఒకరిద్దరి చేతుల్లో కేంద్రీకృతం కాకుండా ఇటీవల జరిగిన లోక్‌సభ ఎన్నికల్లో ప్రజలు ఓటేశారని ఎన్సీపీ-ఎస్పీ అధ్యక్షుడు శరద్‌పవార్‌ సోమవారం వ్యాఖ్యానించారు. చంద్రబాబునాయుడు ఆధ్వర్యంలోని తెదేపా, నీతీశ్‌ కుమార్‌ నేతృత్వంలోని జేడీయూ మద్దతులేకుండా 543 మంది సభ్యుల లోక్‌సభలో మెజారిటీ సంఖ్య 272ను సాధించలేని పరిస్థితి భాజపాకు ఎదురైందని పేర్కొన్నారు. ఈ ఏడాదిలో జరిగే మహారాష్ట్ర శాసనసభ ఎన్నికలను ఎదుర్కొనేందుకు పార్టీ కార్యకర్తలంతా సన్నద్ధంగా ఉండాలంటూ పిలుపునిచ్చారు. ఆ ఎన్నికల అనంతరం రాష్ట్రంలో అధికారం తమ చేతికి దక్కుతుందని ఆశాభావం వ్యక్తం చేశారు. పార్టీ వ్యవస్థాపక దినోత్సవం నేపథ్యంలో ఎన్సీపీ-ఎస్పీ కార్యాలయంలో జరిగిన సమావేశంలో కార్యకర్తలను ఉద్దేశించి పవార్‌ ప్రసంగించారు.