Published : 04/12/2021 05:23 IST

వడ్ల కొనుగోలును వేగవంతం చేయాలి

అఖిలపక్షం డిమాండ్‌

ఈనాడు, హైదరాబాద్‌: వానాకాలం వడ్ల కొనుగోళ్లలో వేగం పెంచాలని, కేంద్రం గతంలో మాదిరిగా బియ్యం కొనుగోలు చేయాలని అఖిలపక్షం డిమాండ్‌ చేసింది. సుందరయ్య విజ్ఞాన కేంద్రంలో శుక్రవారం నిర్వహించిన అఖిలపక్ష భేటీకి కోదండరాం(తెజస), చాడ వెంకట్‌రెడ్డి(సీపీఐ), తమ్మినేని వీరభద్రం(సీపీఎం), సాదినేని వెంకటేశ్వరరావు(న్యూడెమొక్రసీ), శ్రీపతి సతీష్‌(తెదేపా), సందీప్‌ చమార(ఇంటి పార్టీ) తదితరులు హాజరయ్యారు. భాజపా, తెరాసల మధ్య కొనసాగుతున్న మాటల యుద్ధం వల్ల రైతులు తీవ్రంగా నష్టపోతున్నారని, రాష్ట్రంలో ఖరీఫ్‌ వడ్ల కొనుగోలు పూర్తి కాకముందే యాసంగి వడ్లను కొనగోలుచేయబోమని కేంద్ర, రాష్ట్ర ప్రభుత్వాలు తేల్చిచెప్పాయని విమర్శించింది. పార్టీలకు రైతుల ప్రయోజనాల కంటే రాజకీయ ప్రయోజనాలే ప్రధానమైన నేపథ్యంలో రైతు సంక్షేమం కోసం నిలబడి, సంఘటితంగా పోరాటం చేయాల్సిన అవసరముందని తీర్మానించింది. రాష్ట్ర ప్రభుత్వం మాటల యుద్ధం మాని బియ్యం సేకరణ విషయంలో కేంద్ర ప్రభుత్వంపై ఒత్తిడి పెంచాలని కోరింది. కొనుగోలు కేంద్రాల్లో జరుగుతున్న అక్రమాలను అరికట్టాలని, సౌకర్యాలను మెరుగుపర్చాలని అఖిలపక్షం డిమాండ్‌ చేసింది.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని