Hema malini: హేమమాలిని ఆస్తుల విలువ రూ.123 కోట్లు

దిల్లీ: సీనియర్‌ నటి, భాజపా మథుర నియోజకవర్గ ఎంపీ అభ్యర్థి హేమమాలిని(Hema malini) తన ఆస్తుల విలువ సుమారు రూ.123 కోట్లుగా ఎన్నికల అఫిడవిట్‌లో పేర్కొన్నారు. కాగా రుణాల విలువ రూ.1.4 కోట్లుగా తెలియజేశారు. అఫిడవిట్‌లో ఆమె నటనను తన వృత్తిగా పేర్కొంటూ అద్దె, వడ్డీ ఆదాయవనరులుగా వివరించారు. మాజీ ఎంపీ, నటుడు అయిన తన భర్త ధర్మేంద్ర డియోల్ ఆస్తుల విలువ రూ.20 కోట్లు, అప్పులు రూ.6.4 కోట్లుగా పేర్కొన్నారు. వీరి చరాస్తుల్లో మెర్సిడీస్ బెంజ్, అల్‌కాజార్, రేంజ్ రోవర్, మహీంద్రా బొలెరో, మారుతీ ఈఈసీఓ సహా రూ.61 లక్షల విలువైన వాహనాలు ఉన్నాయి. అఫిడవిట్ ప్రకారం హేమమాలినిపై ఎలాంటి క్రిమినల్ కేసులు పెండింగ్‌లో లేవు. 

హేమమాలిని 2012లో ఉదయపూర్‌లోని సర్ పదంపట్ సింఘానియా విశ్వవిద్యాలయం నుంచి పీహెచ్‌డీ పట్టా పొందారు. ఆమె తన నామినేషన్‌ పత్రాలను దాఖలు చేయడానికి ఒకరోజు ముందు యమునా నది ఒడ్డున ఉన్న విశ్రమ్ ఘాట్ వద్ద ప్రార్థనలు నిర్వహించారు. యమునా నదిని శుభ్రం చేయడానికి కృషి చేస్తానని ప్రజలకు మాటిచ్చారు.