Skill development case: స్కిల్‌ డెవలప్‌మెంట్‌ కేసులో సీఐడీ విచారణకు కిలారు రాజేష్‌

అమరావతి: స్కిల్‌ డెవలప్‌మెంట్‌ కేసులో సీఐడీ విచారణకు కిలారు రాజేష్‌ హాజరయ్యారు. తాడేపల్లిలోని సిట్‌ కార్యాలయంలో ఇవాళ విచారణకు హాజరుకావాలంటూ సీఐడీ 41ఏ నోటీసులు ఇచ్చారు.

స్కిల్‌ కేసులో తనను అరెస్టు చేస్తారనే ఆందోళనతో ముందస్తు బెయిలు కోరుతూ ఆయన ఇటీవల హైకోర్టులో  పిటిషన్‌ దాఖలు చేశారు.  నిధుల మళ్లింపులో తన ప్రమేయం ఉన్నట్లు సీఐడీ ఏడీజీ మీడియా వద్ద వెల్లడించారని కోర్టుకు తెలిపారు. ఈ సందర్భంగా సీఐడీ తరఫు న్యాయవాది వాదనలు వినిపిస్తూ.. కిలారు రాజేష్‌ను నిందితుడిగా చేర్చలేదని, ఒకవేళ చేరిస్తే సీఆర్‌పీసీ సెక్షన్‌ 41ఎ ప్రకారం నోటీసు ఇచ్చి విచారిస్తామని సీఐడీ హైకోర్టుకు తెలిపింది. దీంతో ఈ పిటిషన్‌పై ఎలాంటి ఉత్తర్వులు ఇవ్వాల్సిన అవసరం లేదంటూ విచారణను హైకోర్టు మూసివేసిన విషయం తెలిసిందే.