Kotamreddy: సస్పెండ్‌ చేశాక.. పార్టీ వ్యతిరేక కార్యకలాపాలంటారా?: కోటంరెడ్డి

నెల్లూరు: పార్టీ ఫిరాయించారన్న ఫిర్యాదుల నేపథ్యంలో ఏపీలో ఎనిమిది మంది ఎమ్మెల్యేలపై అనర్హత వేటు పడిన విషయం తెలిసిందే. వారిలో ఎమ్మెల్యే కోటంరెడ్డి శ్రీధర్‌రెడ్డి కూడా ఉన్నారు. తనపై అనర్హత వేటు వేయడంపై తాజాగా కోటంరెడ్డి స్పందించారు. ‘‘ఈ విషయం పేపర్‌లో చూసి తెలుసుకున్నా. నాకు ఇంకా స్పీకర్‌ నుంచి లిఖితపూర్వకంగా ఏమీ అందలేదు. ఏడాది కిందటే వైకాపా మమ్మల్ని పార్టీ నుంచి సస్పెండ్‌ చేసింది. ఇప్పుడు పార్టీ వ్యతిరేక కార్యకలాపాలు కారణమని అంటారా? వైకాపా కండువా వేసుకున్న నలుగురిని ఆనాడే సస్పెండ్‌ చేసుండాలి కదా?వైకాపాలోకి రావాలంటే రాజీనామా చేసి రావాలన్న జగన్‌ మాటలు ఏమయ్యాయి?’’అని కోటంరెడ్డి ప్రశ్నించారు.